路過荃灣做野去左一個毫不起眼嘅舊式商場搵野食，見佢裝修好多貓貓圖案，於是就試左呢間友拉麵。點擊圖片放大 +2 0 我大概係下午茶時間去，呢度一個客都無，感覺真係好隱世，呢頭好似好靜咁。 我叫左一個櫻花蝦拉麵，同埋一份辣雞翼 拉麵都幾大碗，好多蔥花好正。湯底係豬骨湯，好濃油脂味好甘香，咸咸地唔錯呀 叉燒都幾大塊, 咸香味好重 麵條可以揀硬身，其實浸多陣就會變腍，所以我會揀硬身先 雞蛋好好味, 好香甜 雞翼一個人食3隻都幾飽，香辣味都幾惹味，雞又炸得好滑，不過就好似無醃過，得外皮有味，如果有醃D味應該會更好食。 整體都唔錯，同日本連鎖店差不多質素，係附近返工嘅都可以一試，其實佢比較近大窩口，荃灣站行過去都有少少少遠。
