今次去左元朗搵食，成日行過元朗廣場都見到呢間桂花小幸，對正KFC，平時我就買KFC多，早排見有人介紹好似都幾正所以一試。 先黎兩杯飲品，有凍蜜桃烏龍蘆薈，凍夏日水漾鮮果茶。 凍蜜桃烏龍多多 HK$30上層係蜜桃汁+烏龍茶，中層好似係乳酸，底層係蘆薈，酸味味好開胃。 凍夏日水漾鮮果茶 HK$34生果好滿，不過水果味唔濃，較清淡。 半筋半腩紅燒牛肉麵 HK$69 + 特濃蕃茄湯+HK$4 我最鍾意食牛筋腩，所以我揀左半筋半腩牛肉麵，但佢可以加錢轉湯底，一於試下蕃茄湯，然後配台灣麵。蕃茄湯唔算真係好濃，但味道食落好夠咸香，好鮮甜，應該落左好多糖，真係好甜，好惹味！超多牛腩同牛筋，真係我食到尾都仲撈到好多牛筋上黎，好好食，好腍好入味，咸咸地有點甜。揀左台灣麵好彈牙好粗，好鬼飽肚，我食左半碗已經飽左，真係好大碗，真心建議兩個人SHARE。 小食加左一份黑醋涼拌茄子 HK$+10 茄子無咩特別，黑醋酸酸地嘅味，還可以，唔算特別出眾。燉湯套餐 鹽酥雞+魯肉飯+燉湯+上湯菜 HK$76呢個套餐真係好抵食，76蚊有咁多野食 鹽酥雞好大塊，好香脆，好食 每件都好厚身，足料 燉湯都好好飲，好新鮮足料 魯肉飯大粒肉碎，都算足料，但太少汁，肉碎都未足夠撈飯。味道咸咸地，屬一般魯肉飯，有D蔥花食落都幾香，但無咩驚喜。如果佢做到我係台灣食果種小店有酸菜，就會更加好味。 煎餃子 HK$28/4隻 皮好厚好硬，唔夠軟，餡料係豬肉，尚算正常 點擊圖片放大 整體黎講，最好食係個牛腩麵，真係大推，湯底好味，牛腩牛筋腍，麵條粗身有咬口，好正！桂花小幸 B+BC cafe地址 - 元朗青山公路249-251號元朗廣場地下3及5號舖Shop 3&5, G/F, YUEN LONG PLAZA , 249-251 Castle Peak Road, Yuen Long電話號碼- 21239497 「窮遊達人YOUTUBE頻道」訂閱我https://www.youtube.com/channel/UCQ3yqgcHpucwUhSfDdjNpEg➥? 訂閱頻道－ https://www.youtube.com/c/窮遊達人MrTravelGenius?sub_confirmation=1📝 窮遊達人 - 官方網站https://www.timbeelo.shop/足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/
