我今次去左銅鑼灣一間上樓餐廳，叫做申子居酒屋，朋友介紹話佢個lunch好好食 上到去都真係好爆場，眼見好多ABC外國返黎的學生妹係度食野 坐低睇下先，佢個lunch set話平就真係唔平，差不多每款都200蚊起跳，但既然朋友話好正，一於試下啦 我就叫左廣島蠔鍋定食HK$208，朋友點左網燒西冷牛扒丼HK$208。 【廣島蠔鍋定食】HK$208個鍋一D都唔細，賣相好精緻，好有質感點擊圖片放大 裡面裝滿好多好大隻的蠔，真係好大隻好肥美！ 面頭再蓋上好多大蔥絲，加添左幾分香辛味。 隻隻蠔都好巨型！難怪要呢個價錢~~ 咬落去每隻蠔都好肥美肉厚多汁，每一啖咬落去都爆汁； 個湯底都好重咸香鮮蠔味，用黎拌飯真係好好食！【網燒西冷牛扒丼】HK$208 牛肉滿滿，真係好豐富，肉紋同色澤都好鮮嬾質感，油光四射，好正 牛肉每片都大件，好厚身，7成熟，略帶粉紅，好嬾，趁熱食最正！牛肉味香濃，腍身，醬汁係日式照燒汁類，咸咸甜甜咁，拌飯好開胃。 飯中間有生雞蛋，整爆佢變成醬汁好邪惡，好似食緊大阪名物 RED ROCK牛肉飯 不得不提的是，佢個伴碟小食，有蒜頭粒+牛蒡條。 我未試過食咁爽脆香甜嘅蒜頭！佢完全唔辣唔刺激，好脆，有好鮮甜嘅味道，真係唔係講笑，好有驚喜。 另外我地套餐再加配多份小食，一口芝士黑豚捲(三重芝士) HK$128 佢話一口尺寸，但其實好大粒，我點睇都唔可以一口食得哂 切開佢黎睇，原來係用左好多豬肉片捲起芝士再酥炸，口感好有層次，好惹味好邪惡。 外皮相當酥脆，都係要趁熱食啊！ 呢間店的餐牌。點擊圖片放大 佢地呢個申子和牛燒，好似係HOT ITEM, 不過我地去果日佢賣哂, 下次再去試下先~~申子居酒屋地址 : 銅鑼灣渣甸街50號渣甸中心9樓9/F, Jardine Centre, 50 Jardine's Bazaar, Causeway Bay港鐵銅鑼灣站 D3 出口, 步行約3分鐘電話號碼 - 59989108 「窮遊達人YOUTUBE頻道」訂閱我https://www.youtube.com/channel/UCQ3yqgcHpucwUhSfDdjNpEg➥? 訂閱頻道－ https://www.youtube.com/c/窮遊達人MrTravelGenius?sub_confirmation=1📝 窮遊達人 - 官方網站https://www.timbeelo.shop/足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/
