銅鑼灣新店✂️【浪。居酒屋】🏮 最近父親節去左銅鑼灣登籠街Midtown 1樓最新開嘅「浪。居酒屋」呀! 🔥「浪」主打日本居酒屋料理,即係全部都貌似小食,但實際又幾飽肚,好適合三五知己去嘆返杯啤酒清酒,再一邊食野 【火炙蔥吞拿魚腩 壽司卷】HK$108 - 配日本蛋黃 壽司飯 紫菜 ⭕️由於居酒屋好多人都係黎飲酒為主,食野會比較慢。 所以手卷壽司全部材料分開上,仲係你面前即燒吞拿魚腩蓉勁香!然後飲到口痕,就可以自己捲壽司食,有得玩又有得食。【Nami卷】HK$168 ⭕️呢個係「浪。居酒屋」招牌菜,以卷物出現你眼前,上面有大量吞拿魚蓉、三文魚籽、海膽、黑魚籽醬、金箔!好奢華嘅一道料理呀! 咬開,原來裡面仲夾住甜蛋,等你唔會太多飯到肚,可以繼續慢慢飲酒食野【和牛舞茸卷】HK$168 【和牛舞茸卷】HK$168 【和牛舞茸卷】HK$168⭕️以和牛覆面的舞茸菇壽司,舞茸菇以天婦羅方式預先炸起,十分香脆。師傅仲親自係你面前火炙和牛片,燒到香噴噴,和牛油脂都咇哂出黎時即刻享用,好滿足❤️【特上壽司盛 十二件】HK$398 【特上壽司盛 十二件】$ 398⭕️12件不同款式的高級壽司,最適合肚餓嘅人獨享,因為每款只有一件,好難同朋友分享,吞拿魚腩、海膽、魚籽等等件件都咁好食咁正,點捨得同人分? ⭕️飯質煙韌,微微醋酸香味,但略嫌未夠結實。 ⭕️材料全部都非常新鮮,好正!最好食係吞拿魚腩,我媽話最好食!(最好嘅都讓哂比佢食) 【牛油果壽司+蔥苗壽司】HK$18/件 牛油果壽司+蔥苗壽司$ 18 牛油果壽司+蔥苗壽司$ 18⭕️係日本我最鐘意叫蔬菜壽司黎食,因為平價迴轉壽司唔會出現的,只有高級壽司店先會供應,點解? 因為蔬菜要新鮮到可以做壽司,比魚生更難處理,擺得耐就會開始變梅菜。 ⭕️日本必食「蔥苗壽司」! 蔥苗係蔥嘅幼苗,係佢BB時就要手起刀落去收割,絕對夠嬾口,而且仲微甜帶辛辣!正!! ⭕️反而估唔到佢個「牛油果壽司」仲好食! 我以為我屋企都可以整到嘅野,食落個味道好香甜,好正! 🥦素食人士都可以有壽司食,因為佢地提供好多款蔬菜壽司,我實測左兩款都好優質❤️🍢【燒芝士魚餅】HK$38 ⭕️正路燒魚餅味道,佐酒夠香口 【燒白鱔】HK$78串 超美味厚肉燒白鱔真係好正!即叫即燒肥美多汁不得了! 我媽好喜歡呢一味~~~~ 🍢【月見雞肉棒】HK$48 ⭕️有半熟玉子伴住甜醬油,再用雞軟骨雞肉棒沾上醬汁,勁好味,但好咸,真係要用黎送啤酒先得🤣 呢一款個人覺得性價比好高,HK$48就有咁大串仲有埋半熟玉子食,唔錯呀 🥠【海膽大葉帶子天婦羅】HK$198 ⭕️以大葉即係日本紫蘇葉包住帶子再天婦羅炸好,加上海膽一齊食,全部都係咁香,點算? 🍤【雜錦天婦羅盛】HK$198 ⭕️以為最普通嘅一道菜,原來佢有兩隻巨型炸海蝦,目測有17cm。 肉質彈牙結實,食得出係新鮮即劏即炸!超好食! 另外仲有好多蔬菜天婦羅伴奏,全部都好好食,仲有第一次見嘅炸苦瓜片。 🥦素食人士唔知有係全素食版本呢? 🐟【原條蒲燒鰻魚飯】HK$188 ⭕️上網睇人整巨大版壽司就睇得多,今次真身見到呢個鰻魚壽司真係好震撼! 雖然佢係一個鰻魚飯,但佢以壽司的扇形姿態登場,勁盡網美打卡之功能! ⭕️咬落去肉質彈牙肥美!超甘香,仲加上山椒粉帶出微辛嘅口味,好正😆 希望佢提供匙更比我,因為我真係夾唔到,太大堆頭啦🤪最後要介紹一個甜品,椰子雪糕!!!! 勁香濃滿滿椰子味,食到佢完全係用左好多椰子肉打爛做成雪糕,唔些椰奶咁簡單, 好好味呀 賣相仲要好靚, 成個椰子裝住,HK$58真係好超值! 非常精彩,記住Bookmark📎 🏮【浪。居酒屋】🏮 地址:銅鑼灣燈籠街Midtown 1樓 📸 Camera - A7R4 + ZV1 📷 Cameraman - Echo Cheung➥? 訂閱頻道- https://www.youtube.com/c/窮遊達人MrTravelGenius?sub_confirmation=1📝 窮遊達人 - 官方網站https://www.timbeelo.shop/足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/