今次試嚐牛大人午市放題,因為收到張傳單,見到LUNCH個價錢真係好平,百令蚊就可以食到飽, 足足係晚市一半有多,一於去試下。我同朋友叫左個蕃茄湯底,蕃茄味唔算濃,不過我地好醒,出去雪櫃果度再囉左一盆蕃茄配料返黎加落去滾湯,跟住變左勁濃郁呀痴線~~~~~~我另外再倒左D蒜蘑 蔥花落去,本來人地比我整醬汁, 但我自己DIY整個更濃香湯底,好好味呀!!!! 午市少好多野食,牛肉片得兩款,有少少唔夠喉點擊圖片放大 不過賣相都靚,唯有狂食佢 試下前菜個皮蛋,一般般,皮蛋有D硬,但都好食嘅 飲品方面,朋友要求另外加錢叫左 18+冬瓜茶(有酒),其實確實我唔記得左係咩酒,但佢係甜甜地有少少酒味,打邊爐飲又幾正 肉食方面就得兩款牛, 兩款豬, 一款雞醉雞 豬肉 海鮮方面反而仲精彩有超大隻沙白,隻隻都勁肥美鮮甜,真係食得出佢係好新鮮, 好似食緊刺身咁彈牙 脆肉鯇魚腩,勁正,我真係超中意食,每次都要去狂食 HAHA 鱸魚片,好結實彈牙,好好味 墨魚膠同花枝膠,其實都算係丸類,有幾款,都好好食 另外仲有牛肉膠,算係第三款牛肉類食品,都唔錯,可以喪點 由於午市款式唔多,所以連水餃都唔放過,有好多唔同餃子 , 吸哂D蕃茄湯汁好好食呀~~~~ 真係食得好暢快,環境都好寬敞好舒服呀 另外出面仲有王子麵 烏冬 響釣可以囉, 話少野食其實都好多好夠飽, 只係晚市更誇張 整體黎講午市最平好似HK$138就係食雞同豬, HK$198就有牛肉, 其實真係好抵食,平時晚市好難訂位,午市黎過下癮都OK地點: 銅鑼灣駱克道463-483號銅鑼灣廣場二期5樓