馬來西亞餐廳美食【圍威喂】 今次去左荃灣同 @stanarion 食lunch，試左佢地嘅［蝦頭油豬頸肉炒飯］+［經典檳城炒粿條］，只係$70蚊左右包野飲，特飲就要加錢，但都好抵！【經典檳城炒粿條】$68（星期一至五）/ $80（星期六日公眾假期）呢個好似係炒河粉，原來馬拉叫做粿條？裡面有d海鮮、蠟腸，配搭好特別，咸香味好重，應該有加魚露，唔似中式炒河粉，好香口惹味，正！ 【蝦頭油豬頸肉炒飯】$68（星期一至五）/ $72（星期六日公眾假期）勁香蝦頭油膏嘅香味，係東南亞最迷人嘅特色炒飯，仲夾雜左豬頸肉黎炒，油份十足，香氣四射！ 好多豬頸肉呀，個醬汁都好好味呀 特飲【是諗但泰式珍珠奶茶】$28（跟餐半價）係一杯好甜嘅珍珠泰奶，講完😂特飲 【榴連忘返在馬拉】$38（跟餐半價）有一大舊榴連肉係杯蔗汁裡面，呢款飲品我都真係第一次飲！好衝擊！好甜嘅蔗汁加上好香甜嘅榴連肉，甜到漏呀😍除左抵食午餐之外，我地成班朋友仲試埋佢主餐牌上面嘅食物添！ ⭐️紅咖哩慢煮牛肋骨 HK$188⭕️超大盤的份量，有一支好長好粗的牛肋骨，伴上大量的牛肋肉片，Share足夠4人分。因為係慢煮，所以肉質好腍，好黏糯嘅膠質，超正！ ⭐️冬蔭功脆炸單骨雞翼 HK$68⭕️以冬蔭功口味醃製的雞翼再炸成脆卜卜的單骨雞翼，份量仲要好多好大隻添，真心超值！ ⭐️沙嗲雞肉串 HK$38/2串⭐️沙嗲牛柳串 HK$48/2串⭕️串燒肉量好多，雞肉好厚肉，牛肉都燒得好腍，唔係細細粒搵笨SIZE，街邊都要賣十令蚊一串細細串，呢度計落都係十令蚊串大舊肉仲係餐廳度食，正呀！ ⭐️圍威喂！無骨海南雞 HK$138／份⭕️海南雞整體都係超滑，唔會好乾好鞋口，份量好大碟，值呢個價。自行再跟一碗油飯HK$15，咁就可以食到飽～～～ ⭐️秘汁脆皮超燒白鱔 1串 HK$68⭕️全場最好食係呢個燒白鱔，無得頂！！！勁厚肉，岩岩燒起即食勁JUICY多汁，白鱔即係鰻魚，你可以幻想到即燒係有幾咁嬾滑多汁，真係超好食！！！‼️白鱔係貴價食材，所以呢個價都係抵食，因為你去街市買一條都要2百幾蚊。 ⭐️圍威喂！泰式漲卜卜蟹肉奄列 HK$128⭕️佢用蛋餅包住好多蟹肉同其他配料，蟹肉絲滿滿的，好鮮甜，好豐富大滿足呀！ ⭐️圍威喂！炒金邊粉 HK$88⭕️網紋狀蛋汁外殼的粉金邊粉，混合左好多配料，好香甜的PHA THAI醬汁，惹味又飽肚。 📍圍威喂荃灣廣場4樓432號舖📷 Sony ZV1 @sonyhongkong📸 cameraman - @mr.travelgenius📝 窮遊達人 - 官方網站https://www.timbeelo.shop/足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/
