上次食完牛大人實在大滿足，繼續去食佢果個「澳洲極上和牛」晚市套餐$248（5pm入座，7:30pm前離座）呢個時間去食最抵!!!!如果黃金時間去就$298😁 上次食蛽就已經夠歡欣！ ⭐️今次我同左一位「唔食牛肉」嘅朋友去牛大人打邊爐，會唔會係玩佢呢？絕對唔會，雖然牛大人係主打牛肉，但佢除左牛肉出色，其他肉品都一樣咁誇啦啦！點擊圖片放大 +6 ⭐️湯底我地揀左一個「蒜頭雞湯」+「紅燒牛骨湯」（雙拼湯底 另+$50）咁唔食牛嘅朋友都可以自己一鍋啦😍 ⭐️蒜頭湯好多粒大大舊嘅蒜頭，個湯底好香甜！仲有大大隻雞係度滾個湯底，正！ ⭐️牛骨湯都有好大舊牛骨，不過就真係得骨搵唔到有肉，可能切哂出黎打邊爐😂 呢個湯底好惹味 📌「非牛肉類」⭐️我大推「脆肉鯇魚/ 鯇魚腩」佢個鯇魚腩勁厚肉！咬落去卜卜聲，又鮮甜，真係超好食😍 ⭐️魚滑系列都係超正，我好中意澎湖花枝漿、蟹籽墨汁漿、台灣海鮮漿，隻隻都爽滑彈牙，好有咬口，好鮮甜，不得了。（圖10） ⭐️手打旗魚漿就比較腥少少，但煮熟後好重魚香味，好特別嘅味道同口感，必試👍🏻（圖10） 【台式小食系列】 ⭐️小食方面我好鍾意佢嘅台式小香腸，其實好似蠟腸但又好軟熟，送酒一流 ⭐️另外炸午餐肉都好邪惡，嫌太乾可以囉去打邊爐翻煮⋯⋯ ⭐️鹽酥雞都好新鮮香脆，細細粒食少少唔會太飽肚，可以過下癮 ⭐️基隆甜不辣好似係酸辣豆腐乾，幾開胃嘅 ⭐️梅子粉黃金蕃薯, 好食 ⭐️皮蛋冷豆腐 ⭐️講到啤酒，佢地有一款叫落花流水，$48杯，原來係一款好重花香味嘅啤酒，我一飲落去就好似香水咁香，有少少似茉莉花茶咁嘅香味，好清新，打邊爐咁熱氣飲返杯下火岩哂🌝 「牛肉類」 外面公眾取餐區，有呢個滷牛肉飯可以食，我自己仲加左好多芫茜同蔥花，好正~~點擊圖片放大 +2 ⭐️荃灣店限定嘅「牛胸爽」（圖8-9）一定要提，因為只有荃灣店供應，就係一片白色圓型嘅肉片，食落爽爽地又似食緊油脂，真係第一次試呀！點擊圖片放大 ⭐️澳洲和牛M5牛肩卷、SRF極黑牛下肩胛、手切封門柳等等，多到數唔哂，亦都分唔清邊樣打邊樣。（佢副線安平燒肉就無款肉都有label，我覺得佢可以加返😙）點擊圖片放大 牛肉類全部都好正好爽，但食落都係大同小異，因為全部都切到薄片，我真係唔太分得出邊款肉打邊款肉點擊圖片放大 ⭐️最大分別應該係封門牛，因為佢切到一舊舊似鮮滑牛的點擊圖片放大 M5和牛餐會每位送兩粒手打M9和牛牛丸兩粒，好彈牙好鮮味，但你問我有咩特別我又講唔出 我朋友唔食牛 ，所以我一個人要食4粒........但我真係食唔落，只係食左一粒，另外3粒無食到，好浪費，我覺得佢可以SET返有需要要上比我，唔好一黎就上檯比我 哈哈如果唔夠飽，可以試下煮返個麵黎食 HAHAHAHHAHAHA 我真係食左兩個麵，我仲要由頭食到尾，無停過，食到都有少少唔好意思，因為要店員不停收碟...............📍牛大人 Master Beef地址：荃灣大鴻輝中心16樓全層📷 Sony ZV1 @sonyhongkong📸 cameraman - @mr.travelgenius📝 窮遊達人 - 官方網站https://www.timbeelo.shop/足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/
