今次我去左銅鑼灣搵食, 而家無左晚市，最後一餐堂食只可以食下午茶。咁啱去左加路連山道，想搵下有無好野食，比我搵到呢間叫做【春嬌】嘅越南餐廳，我見到佢個餐牌真係好平！HK$42就有3個單品，一於跟我黎睇下啦~➥🔆 訂閱頻道－ https://www.youtube.com/c/窮遊達人MrTravelGenius?sub_confirmation=1 我地叫左兩個餐，先介紹第一個3寶組合 HK$42「燒牛肉撈檬粉+洋蔥豬扒脆豬仔包+龍眼冰」開頭以為佢地呢種3拼茶餐應該好細份，樣樣都係迷你，點知佢唔係！全部都好似正價份量，超大份，講真，我食完個豬扒包都已經飽飽地啦~~~ 呢個係燒牛肉撈檬粉，佢有好多牛肉碎，份量真係好多，又有好多蔬菜真係好豐富！撈埋個酸辣醋汁味道都真係好好食！點擊圖片放大 +3 呢個就係豬扒包，份量一D都唔細, 好鬼大個，成隻手掌咁大架 超大塊豬扒呀~~~~ 佢個豬仔包裡面查滿牛油，香到爆炸，真係好邪惡呀~~~ 龍眼冰真係好好味，好濃龍眼味同埋好甜，好正呀~~~平時出去叫一杯都要HK$22左右啦，而家包埋，真係抵到爆炸!!!! HK$40「燒牛肉湯金邊粉+洋蔥札肉脆豬仔包+茉莉綠茶」 呢碗燒牛肉湯金邊粉真係好大碗，牛肉份量一樣咁多，湯底就係牛肉湯好濃好正！平時HK$42只可以叫到一碗牛肉金邊粉，而家有多一個包同埋飲品，係咪好抵先?點擊圖片放大 +3 另外一份札肉脆豬仔包，佢裡面有3大片札肉真係好豐富好正！不過我覺得豬扒好食過札肉，因為札肉無咩味，但原來佢有個泰式甜辣醬要加落去架，但係佢唔會擺落去，要問先會比你，好奇怪，所以你記住去食果時要問佢囉呀~~好食好多架~~點擊圖片放大 +3 我暫時只係試過呢一個下午茶餐，所以我覺得「牛肉湯金邊粉+豬扒脆豬仔包+龍眼冰」呢個組合係最完美！想試嘅讀者記住下午茶時間去啦~~~~~茉莉綠茶好清香茉莉花香，但好重糖份，我覺得龍眼冰好飲好多，不過兩杯都唔錯。 【春嬌】地址 : 香港銅鑼灣加路連山道9A號地舖點擊圖片放大 +3 📷 Sony A7R4 + ZV1 @sonyhongkong📸 cameraman - @mr.travelgenius📝 官方網站https://www.timbeelo.shop/足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel🅿️ Facebook📸 Instagram
