今次去左呢間Cafe叫Cupping Room，佢係一間專門咖啡店，有好多種唔同嘅特色咖啡可以飲，仲有好精彩嘅食物添, 真係不得了~ 先介紹一下我點左嘅食物同飲品啦~~我點左一份燒牛肉無花果多士 + 咖啡 CO CO CHANEL 北歐風格open－face三文治以自家製Sourdough Bread為基調，以不同材料拼湊出口感豐富的輕食呢個燒牛肉多士, 佢個牛肉燒得好乾身, 幾乎係一片薄脆咁, 然後加上好多無花果同石榴子, 好清新好似食緊沙律咁, 所以我覺得呢個麵包組合係沙律多過三文治感覺, 因為佢無乜醬料可以將食物痴住, 所以好易跌落黎然後散哂, 所以基本上呢款多士係要每樣分開食。點擊圖片放大 +2 CO CO CHANEL係一杯咖啡, 我覺得好fashion所以點黎試下。 原來佢係分3層顏色嘅咖啡特飲, 真係好靚。最底係綠茶latte, 中間係牛奶, 頂層係Expresso影完相再撈勻黎飲, 原來係一杯綠茶咖啡, 好特別好好飲呀~~~除左好飲仲好適合女仔用黎打卡影相，好instagramable呀！香蒜忌廉蛽肉意粉 味道比較清淡, 唔係太香蒜味, 蛽肉同菇菌有好多, 我覺得可以再咸多少少, 會香口D我食完個麵包之後覺得都係唔夠飽, 同朋友佢地夾埋一於再加碼叫多D野食試下先~~~ 麵包我地再叫多左個熱情果醬軟殼蟹包, 同埋牛油果醬帶子魚子麵包點擊圖片放大 牛油果醬帶子魚子麵包, 呢個終於有醬痴住個包, 咬落去牛油果醬好CREAMY, 帶子又係好易咬好軟滑, 加埋三文魚子鮮味咸香, 好易入口而且好RICH好CREAMY, 真係好正好好食~~~ 熱情果醬軟殼蟹包, 超大隻軟殼蟹好正, 不過我覺得佢又係唔夠醬痴住個包, 好易會咬完跌到一檯都係碎, 我覺得呢款比較乾左D, 睇相都睇到佢無咩醬料, 如果有一個半熟炒蛋墊一墊底會更好可以痴住個包同埋保濕, 而家真係太乾燒大蝦墨魚汁意粉 佢個醬底係蕃茄口味，加上好多隻燒大蝦真係好正！墨魚汁意粉好有咬口, 成個味都好正好好食好香口，我覺得好食過香蒜意粉 另外朋友點左款咖啡, 自選手沖咖啡 喺 Filter Bar ，你可以揀自己想要嘅咖啡豆、水、過濾器比你揀, 真係好神奇！ 飲咖啡飲到好似嘆酒咁, 真係好串呢杯係牛奶咖啡, 好大路 而家就試左呢一杯好特別嘅咖啡，店員佢話佢地係用隔夜牛角包打成醬，然後混合左咖啡再製成mocktail, 真係好特別!!!我真係一世都諗唔到可以用隔夜牛角包黎做飲品呀!!!!點擊圖片放大 +2 另外仲叫左d蛋糕, 但我無食, 因為太飽, 都係朋友食, 我囉黎影下相就算, 哈哈點擊圖片放大 其他麵包可以睇睇, 但我無叫黎食, 你地都可以去試下~~~點擊圖片放大 +2 Cupping Room Coffee Roasters◌ 銅鑼灣希慎道33號利園一期3樓306號舖📷 Sony ZV1 @sonyhongkong📸 cameraman - @mr.travelgenius📝 官方網站www.timbeelo.shop➥🔆 訂閱頻道－ https://www.youtube.com/c/窮遊達人MrTravelGenius?sub_confirmation=1足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel🅿️ Facebook📸 Instagram
