自從疫情之後個個對於打邊爐都變得好人心惶惶, 所以我今次搵左間火鍋放題好正, 每人有自己一個鍋可以SABUSABU, 唔駛驚同人交叉感染呀 呢間火鍋度就係位於灣仔的ALL I WANA EAT！呢間小店非常隱世, 我去搵佢間鋪時都完全唔起眼, 我仲心諗有無人幫襯架? 點知原來好多識途老馬黎食, 上到去係坐滿人 XD 呢個火鍋放題有幾個唔同價位, 我揀左最貴果個餐, 但我唔記得左影餐牌, 不過其他食評可以睇返 出去睇下有咩囉先 首先見到有3款唔同飲品, 全部密封裝, 自家製, 好有心啊~~~ 檸檬薏米水, 打邊爐熱氣下火好正~~ 洛神花茶, 酸酸地唔係好甜, 清熱氣解油膩又係好正~~ 呢個宇治金時即係紅豆綠茶, 不過飲落去有少少酸味, 我諗緊係咪乳酪黎, 所以唔好意思問佢, 但如果佢唔係乳酪, 咁即係我果杯奶變壞左? HAHAHA真係幾酸好似乳酪~~怪怪地下面係雪櫃裡面嘅凍肉品，我無試，因為點菜張紙仲多野食點擊圖片放大 +3 之後正式上菜啦，首先佢個套餐除左火鍋之外，佢仲會有幾款小食供應，但只限一份啊 好大路的刺身盛，一般放題都有，正常水準，無咩特別 另外有一份韓國炸雞，好大份，未水滾時醫一醫肚幾正 呢份似係沙律，全部都係凍的，我個人就唔太喜歡，如果係熱就好啦 之後到牛肉上菜啦，有好多款牛肉部位，睇落都幾唔錯呀點擊圖片放大 另外佢仲有海鮮呀，但呢份海鮮只係得一份咋，鮑魚最好食，但只係得一人一隻真係唔夠喉點擊圖片放大 +2 佢有好多款唔同牛肉部位可以食, 實在太多款, 我又唔係好熟悉牛嘅部位, 所以傻傻分不清潔, 不過我記得牛肩胛係最好食最濃牛肉味, 大推 湯底方面我揀左花膠湯，裡面原來得一舊花膠，唔夠喉呀，但個湯幾清，方便打邊爐 煮好d牛肉真係超好食，牛肩胛真係最正，翻單左好多次，不得了，最好食係要點佢地的醬汁，真係極度好味 呢個moment你應該想知道佢地有咩醬汁選擇呢 首先佢地有蔥花 芫荽 辣椒粉 生辣椒 生蒜 炸蒜 , 都好大路~油方面都有花椒油 辣油 麻油 花椒油係超級好味~~大推醬油都有4款 正常火鍋醬油 柚子醬油 燒汁 同埋芝麻醬 我個人大推柚子醬油另外我朋友揀左牛奶鍋，好易滾瀉！！！同埋佢完全睇唔到裡面有咩野滾緊，所以唔係幾方便用黎火鍋，我覺得味道可以，但真係好難handle 最後佢仲有甜品區 有好多韓國雪條食點擊圖片放大 食完呢餐其實真係飽到嘔，我唔算係大食，如果大食一定可以食到店主破產，因為佢張紙都幾多野食，我覺得自己戰鬥力太低，期待有其他大胃王去挑戰呀～～📍What I Wana Eat 最想吃📍地址: 香港灣仔灣仔道83號3樓📷 Sony ZV1 @sonyhongkong📸 cameraman - @ah_wing2📝 官方網站www.timbeelo.shop➥🔆 訂閱頻道－ https://www.youtube.com/c/窮遊達人MrTravelGenius?sub_confirmation=1足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel🅿️ Facebook📸 Instagram
