今日去左灣仔做野,想搵返間性價比高又靚仔嘅餐廳打下卡影下相,比我係修頓球場隔離搵到呢間CHADON 港嘢茶檔黎試下,因為我見到佢嘅下午茶餐只係42蚊仲要包凍飲,裝修又夠哂Chill真係正到爆,果個feel真係好好,好似去左外國咁,岩哂我打卡呀~ 佢叫得茶檔,裝修又好似好70年代嘅老香港咁,梗係Sell懷舊情懷啦,所以佢嘅音樂係播緊d香港舊歌,真係好老土 lol 不過好有feel。點擊圖片放大 +2 呢度仲有好多香港特色嘅霓虹光管裝飾,用黎影相打卡真係好靚! 舗頭地方雖然都幾細,但好多打卡位,如果你下晝4點左右黎,就可以影返幾張靚相啦~~~點擊圖片放大 +3 我覺得最開心係坐門口位,而家秋涼時間就更加舒服,真係好似去左外國咁~~~ 今次我同朋友黎食,叫左4個下午茶餐,埋單加埋HK$210左右,以灣仔區黎講真係好平靚正!我叫左啖啖肉大雞扒撈麵、滑蛋鮮鹹肉三文治、 滑蛋沙嗲牛肉三文治、堅香脆肉餅三重奏飯!點擊圖片放大 啖啖肉大雞扒撈麵 HK$62 呢款炒即食麵有好重蒜頭味,勁香又夠乾身,唔會油淋淋。煎雞扒就勁大塊,好香脆,有種咸香味,加埋個炒麵真係好慾味。雖然呢種撈麵好多茶記都有,但佢好在夠乾身,我好怕食到成嘴油~~呢個真係唔錯,係嫌個麵底唔夠多,男仔真係有少少唔夠飽,不過佢係下午茶,咁又好似好正常 lol點擊圖片放大 +2 滑蛋鮮鹹肉三文治 HK$45 呢個係我第2推介,我自己好鍾意食咸牛肉蛋治,但我唔太鍾意食太多罐頭咸牛肉,所以特登問下佢先。店員佢話係用左新鮮牛+罐頭咸牛肉混合製成,將來會用全鮮牛黎做咸牛,好期待,試左先!佢嘅咸牛肉蛋好滑,真係食到鮮牛嘅味道,加埋滑蛋真係好豐富,但重點係裡面混左好多蔥粒呀!!!! 所以食到佢蔥粒裡面好Juicy 嘅水份!呢個係非常驚喜嘅位!而佢嘅麵包超厚,勁鬆軟,朋友們人人都有試,個個都覺得佢嘅麵包好好食,佢麵包面頭仲要好似加左蒜味牛油煎香左,外脆內軟,真係唔係誇張,真係好好食!一定要趁熱食,真係好好食呀佢嘅麵包。點擊圖片放大 滑蛋沙嗲牛肉三文治 HK$45 呢個沙嗲牛麵包相對比較失望,整體都係入到口嘅,但佢嘅沙嗲味勁淡,淡到幾乎食唔到沙嗲味,唔知係唔係比D蛋吸收哂,總之就係蛋同沙嗲嘅味道中和左,變左完全無味唔突出,好神奇,好似食緊普通蛋治咁。點擊圖片放大 +3 堅香脆肉餅三重奏飯 HK$62 我見到3重呢個字就知有古惑,於是問下店員,原來佢係3款唔同口味嘅煎肉餅!包括咸魚肉餅、黑椒肉餅、XO醬肉餅咸魚肉餅 黑椒肉餅 XO醬肉餅 飯面仲加多隻煎蛋,個豉油汁一野淋落去真係好治癒~~ 3款肉餅食落去就係正常肉餅嘅味道,多左少少XO醬嘅味,好食,但唔係好特別嘅野,個肉餅配白飯其實幾都DRY,因為無頹飯汁,個汁全靠個豉油+蛋漿,所以我覺得如果隻蛋打孖上先夠撈飯 lol。呢款飯岩哂D有選擇困難症嘅院友,因為一次過食哂3個唔同味道好豐富~~唔駛咁悶,都幾好。另外仲有飲品,全部跟餐都係免費跟埋,勁開心!茶走 凍奶茶 利賓納 外賣版佢個外賣杯都勁靚!!! 最後有人食唔哂個飯,唔好浪費所以打包左,佢個袋都好靚呀~~~勁有香港特色~~ 呢度野除左好食之外,裝修設計真係好舒服,如果你等到位可以坐呢個窗口位就一定要坐呢度,超級正~~ 港嘢茶檔地址: 灣仔譚臣道8號威利商業大廈地舗營業時間: 7:30am-6:30pm