抗疫冇咗晚市，都仲有午市！午市食放題原來仲著數，以前夜晚食要3百幾埋單，依家2百頭就搞掂，一樣咁多嘢食，用餐時間都係120分鐘！原價每位$278，2點後入座第2位半價，食放題都好少一個人，雙數人嚟幫襯除開每人都係二百頭，飽到連晚餐都可以慳番！ 殿大喜屋位於尖沙咀，位置就腳，裝修新淨座得都算舒服，服務同食物質素都算中上！仲以為會好少人，點知都差唔多8成滿喎！所以食物唔會少咗，仍然供應充足！前菜、沙律、飲品、甜品、湯以自助方式提供。鍾意飲酒嘅哩到一定啱晒，唔止有啤酒仲有冷/熱嘅 Sake任🍶你Free flow添！ 一坐底梗係拿拿臨落單，又係手機自助落單超方便！整番盤剌身併盤熱下身先！ 今日剌身壽司🍣非常滿意，吞拿魚、劍魚腩、帶子連三文魚都勁新鮮，色澤油潤，口感一流😋，特別係吞拿魚非常鮮甜，忍唔住叫咗三轉！ 以下幾款創意壽司都唔錯喎，細細粒睇得又食得！連海膽手卷出面排隊拎，即叫即整好新鮮！ 熟食方面都好有誠意，清酒鮑魚賣相靚，味道都唔錯，都係任食👍 竟然有避風塘炒蟹🦀，仲要一份有半隻蟹喎，味道ok但係冇膏有啲削咁囉！今日羊架、牛舌🥩都燒得好靚，好好味道！ 燒鰻魚大大件好慷慨呀😍 一定要番多兩件！ 🍤天婦羅同其他炸物都點咗少少，ok啦冇咩特別，至愛芝麻雞翼！甜品竟然有鮮奶燉木瓜，少少甜當水果食都唔錯呀！ 雪糕雪條🍨有好幾款選擇，但係Haagen Daz、Milk Top哩兩個貴嘢就每位只限一杯喇！街買一杯都成三十蚊啦！依家二百散啲有咁多嘢食，真係超抵食呀！殿 大喜屋🏣 金巴利道26號1樓☎️ 3622 3000⏰12:00 - 15:00；17:30 - 23:15👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/#得閒食飯 #日式放題 #尖沙咀美食 #刺身壽司吃到飽 #hkfoodie #hongkongblogger #美露迪
