放假冇得去旅行唯有食食食⋯食放題揀午市最好、價錢平少少晚餐又食少少、有足夠時間消化，唔使頂住個肚睡覺😅 一鍋堂旺角店之前幫襯過勁旺場，最近喺葵芳開咗間分店、地方好大又嚟試吓！ 台式火鍋放題店運作模式、簡約風格、乾淨企理、分2～6人檯空間感十足，坐得幾舒服😌午市又分60分鐘定量放題、或者100分鐘任食、價錢由六十幾蚊至二百幾蚊不等，按肉類同份量定價！原本諗住揀60分鐘定量、但又唔想趕時間、所以俾幾十蚊🤑 精選進口肉放題$138/成人(小童/長者$108)🥩美國安格斯牛腱板🍖西班牙粟飼豬🐑新西蘭羊肉卷小食/前菜/火鍋配料/飲品/雪糕🥬🌽🍢🍦 有興趣仲可以加$38位加海鮮配料、見得啲蝦/蜆/魚片就慳返啦！湯㡳又有15款揀，二人一鍋、鴛鴦鍋加$50，今日試吓胡椒豬肚湯底、好味胡椒夠味又有豬肚食😋點擊圖片放大 肉類質素都唔錯、百零蚊任飲任食個半鐘、午市性價比非常高😉😉當然其實女士們定量已經夠晒飽，但得60分鐘食得太趕又辛苦啲嘅，俾多幾十坐多陣hea都冇問題啦⋯⋯一鍋堂 (葵芳)🏣 葵芳新都會廣場6樓601-610號舖☎️ 36188219⏰ 11:30～00:00👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/#得閒食飯 #得閒食飯 #火鍋放題 #打邊爐放題 #葵芳美食 #hotpot #火鍋控 #hkfoodie #hongkongblogger #美露迺
