聽個名都估到餐廳走懐舊路線啦，位於佐敦廟術附近的確有啲意思！老區老名字以為佢好老土？非也，今時今日夠潮夠時尚先夠膽改個老名，真係老嘅反而嚟扮後生！ 餐廳設計非常型格，有老香港情懷亦不失時尚氣派，好布花樣年華嘅影子。舊電話說、舊郵筒、人力車，全部都係打卡位！絕對係為滿足一眾喜歡打卡嘅女士們而設！今時今日食飯同打卡已經連成一線，飲食行業想要突圍而出，先決條款就要係IGable，越多人影相開心share先會越多生意！ 餐廳好似有啲難卜位，要用whatsapp訂，📞仲要隔幾日覆，其實都有少少冇癮，唯有經openrice訂星期六午市時段啦！都提早成3個星期預訂架！唔止餐廳裝修靚，食物嘅presentation都一樣咁靚，我就係因為之前向網上見到哩個「香江拼$788」嘅全牛拼盤吸引而嚟！唔知係咪隅意香港人工作勤力如牛🐂呢？ 全牛包括：牛喉嚨、牛舌、牛頸脊、牛胸腹等幾個部位，真心除咗牛頸脊好食之外，其他部位真係唔識欣賞，牛舌又唔夠厚，牛胸腹又滿口油，牛喉嚨又冇咩味道~ 湯底方面，牛乳玫瑰鍋$168，即係木瓜牛奶豬骨湯底，牛奶味一般啫，又食唔到木瓜嘅甜味，還好都食唔到玫瑰味，本人最怕食花味食物，尢其係玫瑰同薰衣草味，我會不自覺聯想起lotion，感覺怪怪的。反而幾鐘意啲熟食前菜，黃金炸魚皮$68，非常鬆脆惹味，唔太咸啱啱炸起仲熱辣辣，好好味！ 炸銀魚仔$68，哩味一般啦，冇咩特別，不過份量唔少，咸香適中，好脆身！另外一味椒鹽淮山$58，仲好食！小食嚟講都算大碟，又係下酒小食必選，淮山外層鬆脆，口感粉糯，搭配避風塘風味好好食！哩到嘅蔬菜籃「花花綠綠$108」，少少靚啦，插到成個花圃咁，不過同寬巷子比較，又差好遠，人哋砌到成件藝術品咁架！哩個有少少東施效顰🎍其他火鍋菜料，仲叫咗鴨血$58，中規中距啦？可能因為今日個湯底唔襯！ 三或墨魚丸$98，墨汁味、飛魚籽味、芝士味，賣相唔錯，口感彈牙，味道就未見突出！雖然係火鍋店，不過哩到提供好幾款賣相一流嘅mocktail 🍹🍸，真心唔係用嚟解渴架，$88咁細杯，你話要飲幾多杯先夠！又係為咗打卡呃Like而設！想解渴就叫番竹蔗茅啦~$48/ jar都唔算貴！不過哩到冇免費茶水提供，只提供支裝水！所以埋單雜項係叫醬芥而非茶芥盛惠位位$20！佢好野冇得反駁👿 餐廳入口仲有間戶好有藝術感，🤫應該係向TeamLab致敬🎈🎈，去唔到日本都嚟影下相感受下都好呀😍 香江花月 Victorian Era🏣 佐敦道35號百誠大廈2樓☎️ 27368368 (接聽訂座時間14:00-18:00)/ 65657888 (Whatapps)⏰ 18:00~00:00 (星期六日及公眾假期12:00~00:00)👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/ #得閒打邊爐 #得閒食飯 #火鍋店 #香港網紅店 #佐敦美食 #jordanFoodie #牛肉控 #hkfoodie #hongkongblogger #美露迺
