而家開咗好多烤魚店，講真一條鱸魚賣成三百蚊，都咪話唔好賺，不過自己屋企又真係唔容易整到喎~有啲錢都真係要俾人錢吓嘅！向D2睇完戲，搵飯食嘅時候見到長沙灣哩間烤魚雞煲店，所以專登行過嚟食，5點幾打去留位，以為10分鐘行到去，點知原來好遠，行咗成20分鐘！ 行到一身汗，仲食烤魚火鍋，好在冷氣夠晒強勁，環境都唔錯，設計時尚又文青，乾淨企理唔似舊區小店，完全冇一陣老土味！ 全部手機落單，第一時間點杯冰凍飲品解渴先。大大杯大檸樂都係$35咋，成公升真係夠兩個人飲，不過今餐咁重口味，越食越口渴，都真係好幫到手！大大杯波蘿雜飲都係$38~ 香辣烤魚(江團魚) $378真心唔似江團魚，事關向大陸食過肉質應該超滑，哩條肉質結實，外型都唔係咁似~~ 不過唔理啦，味道最緊要！食幾辣幾麻全部客制化，配菜都係自由配搭，我就點咗萵苣、蓮藕、鮮腐竹、海帶，最啱配麻辣鍋！另外，再叫咗鴨血$58、豆皮$30、鮮淮山$32 鴨血就流咗少少，似係超市貨色。豆皮、鮮淮山幾抵食，配麻辣湯底夠一流！食麻辣鍋埋尾梗係要配個薯粉啦，口感煙韌彈牙，又唔會索得太多湯！雖然四個人食一條魚，但係食完餐飯都好飽喎！巴辣仔烤魚雞煲🏣 深水埗順寧道55-61號順年閣地下2號舖☎️ 23821698⏰ 11:00~23:30👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/#得閒打邊爐 #得閒食飯 #麻辣烤魚 #雞煲 #深水埗美食 #ShamshuipoFoodie #海鮮控 #hkfoodie #hongkongblogger #美露迺
