而家飯聚放寬到六個人，咁首選當然又係拾下拾下啦！今次又俾我搵到一間冇限時、價錢又尚可接受嘅日式火鍋店，仲係向灣仔華美達酒店入面，聽落好似好吸引😊晚市時段可以由6pm食到10pm，4個鐘用饍時間、吹水食飯乜都夠晒啦！價錢方面按肉類分四款、豬、+羊、++牛、+++靚牛，每位$248～$388，我哋揀咗豬羊牛$288/位，連加一埋單每人$317😌 雖然話日式火鍋冇海鮮食，不過餐牌註明有60款食物、當中壽司都佔10、刺身都又5～6款、足夠滿想食海鮮嘅您⋯⋯🍣🍣 壽司刺身都做得好有誠意。帶子大大粒、油甘魚、三文魚都好肥美，係略嫌舊飯大件咗啲😅 串燒只揀咗兩三款嚟試，不過全部都唔夠熱，似係一早整定，有人order就拎出嚟⋯🍢🍢 好彩炸物係即叫即炸、熱焫焫脆卜卜，天婦羅炸蝦🍤🍤炸蠔都好食⋯⋯😋 火鍋食材選擇唔多，不過質素又幾好喎！肉類雖然得3款：豬、羊、牛肉每一輪水準都好平均、唔會越叫越差，厚薄都適中唔會切到紙咁薄碎濕濕、口感一流。油脂分布都好平均，牛肩胛肉味濃特別好食、encore咗好多次🖐🏻點擊圖片放大 食到最後一定要留肚試埋啲甜品！事關唔只得牛奶軟雪糕🍦，仲有綠茶芝士蛋糕、朱古力蛋糕、雞蛋布甸都好好味🍰🍫🍮 整體來講，我覺得抵食值得一試💪🏻銀座神樂屋 (灣仔)🏣 灣仔駱克道57-73號香港華美粵海酒店1樓☎️ 2862 1030⏰ 11:30～23:00👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/#火鍋放題 #日式料理 #壽司吃到飽 #hkfoodie #hongkongblogger #吃到飽 #得閒食飯 #美露迪
