近排睇人介紹哩間火鍋館好似唔錯就去試試,三十幾度都要打邊爐真心好大癮🍲!位於旺角彌敦道非常易搵,商廈細細層層都係餐廳,今次有緣先試哩間!有火鍋亦有蒸鍋,120分鐘用餐時間半放題,因為友人生日就揀個豪華啲嘅龍蝦海鮮蒸鍋,價錢方面又加又減少少複雜,周末收費就$378+10%,讚好facebook有79折,埋單位位數336,唔包飲品!加埋任飲汽水茶再加$38。海鮮有8款,龍蝦係膽,再有鮑魚、蟶子皇、大扇貝、桶蠔各一隻,花蛤、大海蝦🦐、龍躉片🐟各兩件,生材仲有安格斯牛同幾款蔬菜可以任點任食,仲有點心包點都係任食。仲有一份八寶蒸飯添!齋睇牌面好似幾OK,收哩個價錢就唔算貴,不過都係食完先下定論。 服務員一次過將所有海鮮都上晒俾我哋,一人一盎燉湯🥣,先飲為敬,一般燉湯味,雞腳瘦肉冬菇唔見有咩貴嘢喎!龍蝦唔算新鮮但都算大隻,蒸起肉質都彈牙鮮味! 鮑魚係韓國貨睇落唔似好新鮮,不過還算大隻,友人生日仲每位多送一次添!咁兩隻又抵食啲囉! 大元貝睇樣都知唔新鮮,大小一般,嘛嘛地啫! 哩隻蟶子皇又唔夠大隻,肉有削,又係嘛嘛地!中碼桶蠔蒸完再細隻啲,食到哩到開始食到伏味! 甚麼大花蛤、龍躉片仲有大海蝦?咪玩啦,知唔知「大」字點解架?!龍躉片同"大海蝦"仲要霉架喎! 任食嘅安格斯牛,質素也罷!再嚟一份八寶飯,配料自選,由於時間關係,即刻有得食,味道呢、咪就係蒸飯味囉! 又試下啲點心啦,全部即叫即煮,春卷好香脆,蝦餃燒賣同埋啲包包,好食係正常酒樓嘅水準!不過我哋唔係嚟飲茶架! 再講番環境方面,坐得非常迫,一出笠就係餐檯,冷氣又唔夠,坐滿10檯開行邊爐,真係熱到出汗!真係唔推薦!其實我都有睇過幾條片先嚟,都係伏咗,只好認輸!緣味小聚 (LADDER Dundas)🏣 旺角彌敦道575號LADDER Dundas9樓☎️ 63237755⏰ 12:00~02:00👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌:http://travelermel.blogspot.com/ 📌Instagram:https://www.instagram.com/followme_lody/#打邊爐 #吃到飽 #火鍋任食 #旺角伏食 #mongkok #hongkongblogger #hkfoodie #得閒打邊爐 #得閒食飯 #美露迪只顯示部分資訊