復活節留港消費，點都要放肆下！中午就已經約齊腳去咗旺角安平燒肉開餐食放題！話說哩間安干燒肉係台灣過江龍，牛大人嘅姊妹店同樣主攻牛肉料理。4個餐全日供應，土豬肉放題$208起標，按次序仲有安格斯牛$258、SRF極黑牛$308、澳洲M5和牛$358，未周同紅日每位加$20，新會員有9折，最後埋單每人$328，用餐時間120分鐘🔥 星期六中午幫趁還可以，客人唔算好多，都坐得好舒服。大部份食份都係用手機下單，方便又衛生，都冇漏單！ SRF極黑牛🥩並非黑安格斯，其實係美國一款牛嘅品牌，比black Angus再高級少少！餐廳都好細心，上肉時會加番標籤，等大家知道自己到底食緊邊款肉，食完番點都方便啲！SRF極黑牛嘅牛肩胛肉最靚，油花放佈都唔錯，口感都算嫩腍！其他個啲老實講就一般啦！不過絕對好食過香港牛角！ 除咗牛牛，仲有台灣夜市小食，鴨舌、炸花枝餅、黃金泡菜，過下場唔使齋食牛肉咁單調！ 蔬菜類就比較少，因為適合燒烤嘅都唔多！餐廳又冇提供沙律菜式，哩方面爭少少！ 🍹飲品方面選擇都ok，無糖台式冷泡茶就最啱我！四款口味：藍梅紅茶、玄米茶、桂花烏龍、蕎麥茶，無糖零卡露里，仲有助消脂，最啱燒肉放題😋 甜品方面選擇極少，只有一人一杯🍦haagen dazs雪糕，都可以話係貴精不貴多嘅！反正食到最後人人都經已飽到上心口！極體嚟講，都值得一試嘅！但係CP就一定唔及牛大人咁抵食喇！安平燒肉🏣 彌敦道593-601號創興廣場9樓☎️ 39539323 *facebook訂座⏰ 12:00~16:00；17:00~22:00👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/#肉肉控 #安平燒肉 #牛大人台灣火鍋 #旺角美食 #mongkokfoodie #hkfoodie #hongkongblogger #得閒食飯 #美露迪只顯示部分資訊
