限聚令下餓咗一排火鍋，今次趁友人生日，就一於放肆下！今次揀咗位於荃灣新商業大廈嘅一間樓上舖，同大廈仲有好多間放題餐廳，等笠都要啲時間，事關部笠都細不過係透明觀光笠，都幾開揚，皆因附近舊樓為主，哩楝算最高！原本從網絡上見到啲相真心有啲期望，不過一出笠門就feel到有少少伏味，卜咗成2pm先入場最後仲要等多二十分鐘。算啦，都有助擊發戰鬥力！入口位置放滿甜品、軟雪糕機、同埋水果！火鍋放題嚟講選擇都幾多！不過講到其他火鍋料就真係麻麻喇、其實連飲品⋯⋯相比坊間嘅日/台式火鍋放題，選擇都非常少！ 基本價錢$128/成人用餐時間兩小時、加$128升級版仲包任食”海鮮拼盤”、”刺身拼盤”、”美國頂級牛肩胛”、”鹿兒島頂級黑豚肉”⋯⋯聽完好吸引，但事實又係另一回事！黑豚還可以、牛肉一點油花都冇、仲要薄過張影印紙 海鮮拼盤、刺身拼盤大家都有目共睹啦⋯⋯質素超唔掂，可能全世界都只係嚟食基本放題，一定係我點錯野！諗住友人生日嘛所以想話食好啲！點知坑咗！ 剌身都唔搞喎，爭鮮都好過佢啦......雖然話任食但係一次就夠，冇番兜過！ 哩間火鍋放題仲有一個特色、就係除咗打邊爐之外、仲有串燒、串炸等小食、適合貪心嘅朋友仔！可以一次過滿足你三個願望！不過今次個願望只能夠滿足1/3⋯⋯⋯其餘2/3有啲失望😓🍲湯底方面免額外收費有都幾款、豬骨、甜醬油、清湯、泡菜、蕃茄，清清哋咁囉⋯⋯要加錢嘅又有幾款，不過要俾多$98小鍋～$118大鍋咁貴就唔會試喇。不過友人鐘意食辣所以都加咗$38轉小煲麻辣湯底啦、不過唔夠辣又唔夠麻、冇乜料到。真係好懷念牛大人啲牛肉同湯底呀⋯⋯😢基本放題$128+升級$128+$38麻辣湯底，6人同行埋單盛惠每位$288，同之前食開嘅日式晚市放題價錢差唔多，但係質素太兆萬囉！絕對冇回頭~廿一前🏣 荃灣眾安街55號大鴻輝(荃灣)中心21樓B號舖📞 31883386⏰ 11:30~18:00(疫情期間)👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/#放鍋吃到飽 #邊爐控 #牛肉吃到飽 #甜品任食 #邊爐任食 #荃灣美食 #得閒食飯 #TsuengWan #hkfoodie #hongkongblogger #美露迪
