今時今日消費真係要諗過度過，需要添置一部surface，所以周圍Check下邊到有優惠，信用卡優惠就唔在講啦，其實於疫情下商場都有好多優惠，隔完一輪就決定去銅鑼灣Times Square買，買八百送一百購物券再加五十餐飲券，買一部surface就收左2500購物券同500蚊餐飲券，上次買咗一餐鴨大哥，仲淨二百五，所有趕向到期前又嚟幫襯！🍔Shake Shack向香港開咗咁多間依家都唔使排長龍，咁一於試吓啦！雖然開向銅鑼灣時代廣場不過價錢都唔算貴，但又咁講份量呢...我講得就細咗啲囉！完全唔似老外風格，邊夠飽架~季節限定點咗Truffle Burger🍔，一牛一雞$60~$65，招牌漢堡會平啲大概$56！ 老實講味道只係中上，絕對唔係特別好食囉，黑松露味亦唔見得好濃，醬汁都ok嘅，舊肉都唔係話特別厚，或者牛味特別濃咁，份量偏細，我就唔明點解要排長龍喇！ 淨係食一個包太單調喇，再加客🍟Cheese Fries $36。粗炸薯條當然夠晒口感，新鮮炸起，外脆內軟好食，賣$36嚟講芝士醬算係非常慷慨，芝士味都夠濃，不過就好快凝固。見有啲口渴再點杯🥤50:50 $24，話說哩到有兩款飲品，檸檬茶同lemonade，50:50即係將兩款溝埋一樣一半，味道都唔錯，唔會太甜又唔會太澀，不過冰太多，又細杯咗，完全唔夠解渴.....Shake Shack🏣 銅鑼灣勿地臣街1號時代廣場B2樓217-219號舖📞 25716368⏰ 11:00~22:00行向嚟就順便行埋街啦，又用下啲購物券半價半對波鞋啦！依家使錢買野明顯少咗好多，事關好難搵到藉口俾自己去買嘢.....不過shopping都係另類治癒方法🛍️🍰行完街又去食Tea，位於3樓嘅Lady M條龍唔算好長，不過要知道現時二人飯聚令下，只有幾張檯做堂食，仲要大家都係嚟歎嘅，真係要鬥長命，我哋成4點到就要排成45分鐘，好彩5點前有檯，如果4:30pm後先到我就建議唔好等喇，俾你有檯都5點幾啦，6點正都收檔啦！雖然話餐飲券只限堂食，但係你唔介意照俾加一轉做外賣一樣可以，如果你真係好勁多coupon的話，都不失為一個好主意！今日叫咗兩款千層蛋糕，香芋千層$75&栗子蛋糕$62。入面嘅芋頭奶油非常軟滑，唔會太甜，真心好味！栗子蛋糕都好味，栗子蓉仲有少少酒香添！好食還好食冇優惠的話我都未必會再幫襯lu..... Lady M🏣 銅鑼灣勿地臣街1號時代廣場3樓Kiosk G📞 35860368⏰ 11:00~20:00#銅鑼灣時代廣場 #TimesSquare #Causewaybayfoodie #hkfoodie #hongkongblogger #得閒食買玩 #美露迪
