眨吓眼疫情又到咗第四波，即係話一年差不多又過去，#飯聚令 又再次只限二人，仲要冇埋晚市添😢 正面思維，後疫情生活模式變得健康咗，好多時weekend例牌約腳行山食飯，唔可以行勻全世界，都想行勻全香港。向收晚市前就約咗行飛鵝山，從彩虹站🌈出發，沿德望一路上山，慢慢行一圈大概8公里需時三個半鐘，大部分都係行馬路，又冇乜上下坡，非常易行，但要留意有車經過。山上見到好多芒草，剛好黃昏落山，感覺不錯 💪🏻點擊圖片放大 消耗完體力係時候去補充番下，搭車去#九龍灣陶源 放肆埋今年最後一次#大閘蟹放題 🦀 每位$488另加一茶芥，用餐時間120分鐘，九龍灣店周末晚市仲有85折 🎉🎉大閘蟹放題🦀🦀🦀鮑汁扣鮮鮑魚(位上)遼參南瓜小米湯(位上)蟹粉扒豆苗脆皮乳豬(任點任食)臘味糯米飯、好多款甜品(任點任食)🦀 大閘蟹雖然細細隻，大概三両半左右，五個人食咗成三十隻全部都係公蟹，不過都算好肥美，蟹黃軟滑甘香，蟹白又夠黏口，肉質鮮甜，好新鮮喎😋😋 🥢 食咗咁多間酒樓嘅扣鮑魚，哩間個味真係最好，鮑汁好濃郁，仲好味過隻鮑魚呀！如果撈麵食就正晒喇！ 🥣 甜品選擇非常多，唔蝕底一定要留肚食番兩三款！必食推介：薑汁湯圓、芒果布甸！薑汁夠晒辣、食咗咁多蟹當薑茶飲番碗啱晒！芒果布甸好多芒果肉、平時飲茶一客賣成三十蚊，依家任食！係咪好抵先 🤣 陶源酒家🏣 九龍灣常悅道9號企業廣場1期地下☎️ 2751 9608⏰ 08:30～23:00👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/#大閘蟹吃到飽 #中式酒樓 #螃蟹吃到飽 #甜品任食 #甜品於題 #九龍灣美食 #得閒食飯 #kowloonbay #hkfoodie #hongkongblogger #美露迪
