趁仲係四人飯聚令再去食中菜,周日嘅尖沙咀夜市估唔到會咁靜,七點左右入座坐到九點幾埋單都係得幾枱客,可能係因為餐廳向二樓啦,感覺有少少冷清!哩間#翠林辣蟹坊 近幾個月,晚市做緊半價小菜,當中最吸引嘅係幾款蟹菜式,原價$588依家做半價,之前睇過好多youtuber介紹就好想幫襯,直到依家先食到⋯⋯除咗蟹餐牌上約三十款小菜都有半價,原價亦唔算話mark up嚟減,睇落ok👌🏻🦀 #避風塘炒蟹 $294(原價$588)幾款炒蟹之中特別想食哩款、事關成十年冇幫襯過銅鑼灣橋底喇、想當年一隻中蟹已經賣成五百蚊!哩餐論賣相都似模似樣嘅、味道方面都唔差、料頭又足、隻蟹又好似幾大隻⋯⋯不過原來係假像、大大隻蟹殼入面竟然冇乜肉食、肉質仲削削地,就算賣半價我都覺得唔值🙈 🍤 黃金流沙蝦球 $38/隻啖啖肉都幾大隻、金沙都唔吝嗇、食一隻都有少少飽😊🥩 蜜椒炒牛柳粒 $69 (原價$138)份量夠、雖然冇大排檔咁有火喉,但都幾好食、起碼牛肉炒得幾香口😋 黃金豆腐 $34 (原價$68)咁大碟賣三十幾蚊真係茶市價、夜市份量,好平!外皮炸得超香脆,唔怕夾唔起🥢 炸蠔餅 $64 (原價$128)哩碟#蠔餅 賣相好吸引又好鬆脆,不過口感唔掂、鬆脆嘅同時亦非常鬆散、機乎完成食唔到餅底、槳粉少原平係好事,不過連蠔仔都偏少,一口咬落去淨係食到啲脆pop pop⋯⋯可能係哩到嘅特色,個人都係prefer打冷舖嗰款style🙏🏻🔖 有關蟹嘅質素同餐廳反映咗,佢哋回應都好正面(註:我哋冇拎任何著數!),相信係一批批貨嘅問題啦!餐廳服務態度感覺係有誠意,都抵讚👍🏻翠林辣蟹舫 (尖沙咀)地址:尖沙咀亞士厘道24-38號天星大廈1樓A號舖電話:2628 9888營業時間:11:00~23:30👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌:http://travelermel.blogspot.com/ 📌Instagram:https://www.instagram.com/followme_lody/#得閒食飯 #尖沙咀美食 #taimshatsui #hkfoodie #hongkongblogger #海鮮控 #seafoodlover #美露迪