忍咗咁耐😋嚟到11月大家已經變晒餓底，發現今年好多酒樓都有推出大閘蟹放題，哩間#灣仔金兜記 一如以往都有做🦀大閘蟹放題，今年貴$20，其他條款不變，餐點唯一唔同係#紅燒乳鴿 變成豉油皇鹵水，當然幾時都係燒乳鴿最好食啦，不過食大閘蟹放題，其他菜式好多時都會唔多食或者擺到凍晒先食，所以豉油皇反而好少少，就算凍咗都好食，唔會縮晒皮囉。用餐時間120分鐘⏳，分6點同8點兩輪，我地早唔夠一星期卜檯，所以食6點，各有各好啦，早頭輪只要準時到就唔使等，8點個場就要等頭輪散場再執檯。 🦀大閘蟹放題晚餐 每位$432 (連茶芥加一)杏汁花膠燉雞湯 🥣杏汁燉雞湯起碼夠熱，花膠好大舊不過真係好膠吓！唔理舊膠花，當成杏汁雞湯嚟飲，味道其實都可以。豉油皇BB鴿 🍗每人半隻BB鴿最後都食唔晒，人人都只食得1/4隻，好浪費但都唔俾包走，冇法啦哩個係任食嘅行規！味道都幾好，唔會太鹹，肉質都幾嫩滑！金沙脆炸蝦球(每位兩件) 🍤🍤金沙炸任何嘢幾時都係咁好味！蝦球幾爽口彈牙，位位兩隻，食晒都真係幾飽肚架！但係好味喎！清蒸大閘蟹(任點任食) 🦀🦀🦀放題嚟講唔算太細隻，都有三兩幾四兩，聽講公乸蟹都會有提供，不過當日只派到公蟹，本人食咗5隻，好爆膏又唔講得，中規中矩合格啦！臘味糯米飯 🍚大閘蟹餐就梗係要食啖糯米飯，軟糯適中，不過真係好飽...好飽...俾個面食半碗啦！薑茶 🫖哩到薑茶真係好夠薑，少少甜，食咗真多蟹再飽都要飲番兩杯！ 整體嚟講，用餐體驗都算滿意，大閘蟹上得夠快，其他菜式都係熱辣辣上檯嘅！大閘蟹質素都可以，四百三一位我就覺得好抵食喇！依家4兩蟹都要賣~$68隻啦！友人一口氣食咗8~9隻！仲唔俾佢賺晒呀！金兜記海鮮菜館地址：灣仔灣仔道3號尚翹峰第二&三座A2舖及1樓電話：39070878營業時間：11:00~23:30👇🏻👇🏻👇🏻👇🏻👇🏻👇🏻👇🏻👇🏻👇🏻📌旅遊網誌：http://travelermel.blogspot.com/ 📌Instagram：https://www.instagram.com/followme_lody/#灣仔金兜記 #大閘蟹吃到飽 #大閘蟹任食 #海鮮放題 #灣仔美食 #Wanchai #hongkongblogger #hkfoodie #得閒食飯 #美露迪
