限聚令都要食飽個肚，#打邊爐 梗係要揀#放題 店啦，事關食慾實在被抑壓得太耐喇！我要#吃到飽！人人都話生意好差冇生意，唔通真係全部都冇生意咩！哩間來自#台灣牛大人 日日排長龍，某日星期四中午12點前到都拎唔到第一輪籌，今日星期六約齊腳俾啲誠意10:50嚟到排隊攞籌！係呀其實我只嚟食午餐唔係早餐架！ 餐廳開11:30，11:00開始排隊派籌，餐廳地方唔細，最少有幾十張檯，全部都係方形檯，所以即使限聚4人都絕對冇影響，俾我哋更有誠意嘅最少有二三十人，不過我哋拎到頭輪飛，用餐時間由11:30~13:00，第一輪比較易預算，第二輪真係唔知應該幾點到先啱！都ok呀，早啲食晏咪慳番食早餐囉！哩一年期#牛大人 响香港已經開咗四間店，間間都咁多人！首先大家唔好同#日式牛肉火鍋 比較，哩間台式嘅真係高幾班，裝修唔錯檯又大坐得舒服，拎食物嘅地方都設計得好好，衛生企理，選擇好豐富！午市就更抵食，星期一至日都有午市，套餐或放題都有提供，套餐大概$68~$129，牛肉得一碟，自助區嘅鍋料可以任飲任食，但用餐時間只限60分鐘，放題由$138~$198 三個選擇，只差個幾十蚊更係食最貴放題啦！#極上澳洲M5和牛吃到飽 喎！用餐時間有90分鐘！晚市食收$298，不過有120分鐘俾你食！加多每人$30，仲可以任食多幾款「海鮮」嘅，魚片、草蝦、蜆個啲囉~ 食過日式牛肉鍋都知啲牛肉切到紙咁薄，和牛放題最少賣三四百，哩到提供嘅澳洲M5牛肩肉，件件有份量，睇外型已經好吸引，就算係次一級嘅安格斯牛小排都好好食！湯底就更加冇得輸，9款湯底任揀，唔係日式清水湯底個啲貨色囉！我哋分咗兩張檯，試咗三款，最好味係紅燒牛骨湯，可以比美坊間著夠台灣牛肉麵店嘅湯底！另外，招牌秘製麻辣湯底都好夠味，仲可以自揀辣度添！反而個鳳梨雞就爭少少！其他配料可以向自助區任揀任夾，丸呀菜呀好多選擇。另外，透過手機落單唔止可以點肉類，仲有少量台式小食供應，好似香腸同鹽酥雞都有！一定要食飯麵嘅朋友可以向出面自助區搵到好幾款麵條，仲有熱辣辣肉燥飯添！我自問食力未夠班！免了~飲品方面，除咗一般放題店有提供嘅汽水茶啤酒之類，仲有4款自家製冇糖茶，白桃烏龍、洛神花茶、菊花普洱、桂花烏龍。冇糖茶最啱我，個人白桃烏龍最好味，桃味夠香濃！唔止凍飲，仲有幾款熱嘅台式茶飲，好似有冬瓜茶~ 再飽都要食埋甜品先！獨賣一款玄米茶雪糕，出奇地好食喎！記住留肚，必食！牛大人台灣火鍋吃到飽 Master Beef地址：沙咀加拿分道20號加拿芬廣場2樓電話：39539350營業時間：11:30~22:00旅遊網誌：http://travelermel.blogspot.com/Instagram：https://www.instagram.com/followme_lody/#尖沙咀美食 #Tsimshatsui #hkfoodie #hongkongblogger #火鍋放題 #火鍋吃到飽 #任食邊爐 #得閒食飯 #得閒打邊爐 #美露迪
