疫情稍為緩和，又恢復晚市到六點，成個人精神番晒，趁仲係#WFH 食咗轉午市烤肉放題。原本係去尖沙咀牛大人食牛肉鍋，不過我哋未夠12點去到已經排到落樓梯口，所以即時轉陣過咗去美麗華新開張冇耐嘅#牛角Buffet 上兩個星期明明見到佢地facebook話旺角同開業嘅尖沙咀店做緊個$104嘅特價午市放題，上星期去過V Walk店就話只限旺角同尖沙咀，點解今日嚟到店員話完全未聽過，叫我自己再搵下Facebook post，唉！發覺個post已經delete咗喇！連屍骸都搵唔番......激氣！係嘅，限聚放寬咗，仲唔拿拿臨賣番正價咩！咁平日午市，除咗放題仲可以揀定食，定食包肉食2款每款4片，價錢都唔係十分平，$85至$182，按肉種類同用餐時間限制以定，分60分或100分鐘兩種，而其他餐前小食、飲品、甜品都可以任飲任食。得4片咁少，仲要唔係咩靚牛肉喎，任食嘅小食前菜又冇咩睇頭，都係揀放題啦！ 放題有5款，最平嘅LV1淨得豬同雞，都要$218一位囉，食牛嘅就由LV2起標，每位$258有番啲牛肉選揀，基本消費就配番基本質素啦！ 牛肉種類有牛肩脊、胸腹、牛舌，有燒汁、鹽味、辣味、原味，個人就覺得鹽味都幾鹹下，揀番原味穩陣啲，可以自己點醬食。不過除咗薄片的牛胸腹肉比較嫩腍好食之外，其他都麻麻地，尢其是肩脊肉，中間痴住條筋食落都幾靭下！ 豬呢就有日本熊本縣產嘅豚肉眼，肉質都算幾爽口，不過竟然最冇可能失手嘅豬頸肉，竟然靭到食唔到！齋睇外型好靚仔架喎！ 牛角Buffet Gyu-Kaku Buffet地址：尖沙咀彌敦道132號美麗華商場1期地下G08-G09號舖營業時間：11:00~21:00(限聚令期間)電話：28982898旅遊網誌：http://travelermel.blogspot.com/Instagram：https://www.instagram.com/followme_lody/ #牛肉吃到飽 #燒肉放題 #食肉獸 #燒肉控 尖沙咀美食 #TSTfood #hkfoodie#hongkongblogger #得閒食飯 #美露迪
