唔敢打邊爐咪食烤魚囉！唔敢多人活動咪三兩知己囉！最緊要有好嘢食，上網搵餐廳無意中發現哩間#小魚兒 可以用APP訂座之餘仲有7折喎，咁方便又咁抵就梗係要俾個機會佢啦！雖然係樓上舖但位於尖沙咀大街十字路口交通方便好易搵，座位方面都算好舒適，空間感充足，即使限聚放寬後應該都唔會坐得好迫嘅。餐點好簡單，就係主打烤魚菜式，有四款魚配搭7個口味有辣有唔辣任揀，三百蚊左右一條算係香港烤魚市價，不過今日有7折就真係好抵食啦！ 鳳梨香辣豆花（江團魚）$338 1kg斤兩十足，當主菜食4位用啱啱好！調味都仲可以自由選搭，BB辣到大辣、小麻到勁麻，仲可以追加配料。麻辣味好出，魚肉都幾嫩滑，加配豆腐同鮮腐竹真係好好食！ 燒牛舌$58 孜然粉非常惹味，牛舌厚度適中，咁大串算抵食喇！日本餐廳個啲得兩片咋！ 蕉糖燒菠蘿$38 賣相好吸引，燒過嘅菠蘿特別甜，外層加咗糖醬再去燒，凍番之後變成脆身糖衣，好似拔絲效果~ 手撕包菜$58 包菜即係椰菜，廣東人煮椰菜真係唔及外省人，加入花椒同辣椒一齊炒特別爽脆好味！ 整體嚟講，食物好食服務都唔錯，不過用餐時間只得90分鐘，對食烤魚嚟講真係唔多夠，哩點實在超不爽>< 小魚兒 Little Fish 地址：尖沙咀金馬倫道16號金馬大廈1樓 電話：23282122 營業時間：12:00~22:15 (星期日休息) 旅遊網誌：http://travelermel.blogspot.com/ Instagram：https://www.instagram.com/followme_lody/ #麻辣烤魚 #四川菜 #尖沙咀美食 #TSTfoodie #hkfoodie #hongkongblogger #得閒食飯 #美露迪
