好天氣心情特別舒暢，一於行番轉荃灣線！第一站先去填飽個肚，荃灣海壩街一帶餐廳特別多，今日就幫襯咗#荳子beans ，齋聽個名都估到係走文青路線啦，室內裝修都幾舒適，價錢又唔算貴。 焦糖香蕉熱烘窩夫全日早餐 $78 全日早餐絕對係哩到嘅招牌菜，女士們唔想食太飽，想食甜品但又唔想單食甜品當午餐，哩款啱晒！事關有甜品系香蕉窩夫外，鹹嘅仲有炒滑蛋同煙肉，啱晒周未Brunch moment。哩到嘅窩夫賣相亦好獨特，似十足Donut咁非常可愛！ 豪華英式全日早餐 $112 男士們想食飽啲就可以揀哩款，窩夫同炒蛋之外，仲有煙三文魚、香腸同其他配菜。 黑松露軟殼蟹意大利粉 $98 哩個組合一百蚊有找絕對抵食，軟殼蟹炸得鬆脆，黑松露醬亦冇手軟，意大利粉又夠彈牙，唔係茶餐廳嘅出品囉~ 藍柑檸檬梳打$39 午市套餐仲包埋一杯熱咖啡或檸蜜，不過又想貪心試下其他飲品，都可以按原價減$8嘅，咖啡類選擇都好多，不過今日嘅天氣個人認為最啱都係嘆番杯口感清爽嘅冰凍飲品更為適合。 哩間餐廳非常推薦，仲有好多嘢都未試到，下次一定要再嚟試下佢哋個蟹肉鹹蛋黃意粉，同埋流心系列甜品先得~ 荳子 Beans 地址：荃灣海壩街99號地下 電話：2777-7006 營業時間：11:00~22:30 旅遊網誌：http://travelermel.blogspot.com/ Instagram：https://www.instagram.com/followme_lody/ #文青cafe #荃灣美食 #TsuenWanFoodie #hkfoodie #hongkongblogger #得閒食飯 #美露迪
