個人去唔到日本旅行，唯有靠把口去啦！意思係話舌尖愛漫遊，得閒食下日本菜、食下泰菜、西餐咁！一於食咗當去咗！前一兩年香港開咗好幾間天婦羅餐廳，間間都話自己係日本過江龍，一直都好想食，不過獨孤一味未能滿足貪心嘅我！不過今時今日食#日式丼飯 就最明智，一人一碗減低交义感染風險呀嘛！ 天丼 $138 食材包括穴子、蝦、小柱魷魚餅、魚、半熟蛋、海苔。價錢唔平，但還好配料非常澎湃！ 穴子屬於「星鰻」嘅鰻魚品種，外形比用嚟做鰻魚飯嘅幼細好多，味道亦比較淡口，肉質亦冇鰻魚厚實，不過口感嫩滑。長約30cm絕對係此天丼嘅最大賣點！ 小柱魷魚餅係哩度自家食譜，細小元貝混合魷魚粒一起炸成天婦羅餅，彈牙口感配上酥脆炸衣，非常好味！ 炸半熟蛋更加考功夫，丼飯吃到底時才擠爆蛋槳，讓蛋槳混和餘下米飯，即便吃到底都不覺單調！ 天婦羅丼聞說靈魂在於醬汁，這家店用嘅更加係百年老秘方，比慣常吃的天婦羅醬汁略為濃稠，甜鹹度適中，伴飯一流。 金子半之助 Kaneko Hannosuke 地址：葵芳新都會廣場1樓107-108號舖 電話：26618212 營業時間：11:30~21:30 旅遊網誌：http://travelermel.blogspot.com/ Instagram：https://www.instagram.com/followme_lody/ #東京美食 #葵芳美食 #Tempura #kwaifongfoodie #hkfoodie #hongkongblogger #得閒食飯 #美露迪
