抗疫之餘都要抗壓，行山確實有益身心，出完汗當然要補充體力，好耐冇落銅鑼灣今晚覺得條街分外冷清，唔想食中菜又唔想食西餐，日本嘢又話唔好食生冷嘢，咁就一於去食泰國菜啦！可以一次過滿足大部份人嘅口味！位於Tower 535地庫嘅哩間小曼谷，出奇地多人仲要排隊添！ 小食拼盤(細) $156 泰式小食幾時都咁得人鍾意，細拼包兩款人氣小食蝦餅、魚餅，仲有湊數用嘅春卷、豬肉卷。除番開4款每款40蚊，咁其實都抵食。味道方面大路嘢不過不失啦！ 泰式燒豬頸肉 $118 食泰菜又點可以唔叫番碟燒豬頸肉先，一般情況下都係冇得輸嘅菜式，不過今次就敗於唔夠熱，應該係客人太多，為咗慳時間，提前燒定一堆，可惜出餐前猜完全番熱，可惜！ 泰皇咖哩炒海鮮 $248 + 蒜蓉多士 $45 碟咖哩真係好大碟呀！個碟真係好大，不過海鮮其實得好少，兩隻青口兩隻蝦幾舊魷魚帶子夾埋大概10件左右啦，撐起咁大個碟嘅仲有好多洋蔥同甜椒！ 銅鑼灣舖租貴都明嘅！味道都唔錯加蒜蓉多士一齊食，真係好好味，不過都係唔好叫多份多士喇，一客45蚊架！ 蒜蓉牛油蜆+泰式脆炸豬手$288 晚飯孖寶有幾個自選組合，哩個最吸引，個蜆好好味，不過略嫌太細隻，轉用大蜆就真係無敵喇！ 炸豬手唔係泰國菜，不過就配泰式酸辣醬食，咁就係泰式風味啦！外皮炸到非常香脆，肉質保持得幾好唔會太乾！ 小曼谷泰國美食站 Minibangkok Thai Food Station 地址：銅鑼灣謝斐道535號Tower 535地庫B02舖 電話：27167818 營業時間：11:00~23:00 旅遊網誌：http://travelermel.blogspot.com/ Instagram：https://www.instagram.com/followme_lody/ #泰好味 #泰國菜 #銅鑼灣美食 #CausewayBayFoodie #hongkongblogger #hkfoodie #得閒食飯 #美露迪
