鍛鍊身體又去咗轉元朗，今次行河背水塘，唔太晒仲有少少涼風添，行山客明顯比以往多返啲人，所以頭尾兩輪段都盡量帶番個口罩，峽路相逢大家點下頭一切盡在不言中！行完山又入返元朗開飯，發現哩間#夏捌月 口碑都唔錯，價錢都唔算貴，咁就去幫襯下啦！朋友話間餐廳座位唔多，所以提前打去留定位先，點知都要等成個鐘頭，無所謂啦，好嘢通常都要等，抗疫期間都咁好生意！ 澳洲M5西冷牛扒套餐$198 哩到賣嘅係港式西餐，門口大大個廣告牌推緊哩個套餐，加$18餐湯轉酥皮龍蝦湯，加$28白飯轉肉醬意粉，連加一埋單都唔平喎成二百七！不過如果兩個女仔泥勉強都夠食既，點多個小食或者甜品囉！牛扒都煎得幾好火喉，伴碟仲有紫薯蓉，好好味！ 個湯就麻麻地喇，完全食唔出龍蝦味，咩蝦肉都冇，反而食到幾粒八爪魚！ 原隻德國咸豬手$159 份量都唔細，外皮炸得好鬆脆香口，煎炸嘢特別鍾意食！ 樽仔奶茶$24 話明係賣港式西餐，就梗有賣港式奶茶啦，佢地仲自家制冰凍樽仔奶茶添！口感都算幾順滑，套餐加$3蚊就可以轉飲試試！ BBQ醬吉列雞中翼$62 最鍾意食雞翼，炸得好香脆，裡面仲好juicy！ 黑毛豬野菜沙律米紙卷$69 既有越式風味又有意式滋味，幾有創意味道都抵讚！ 夏捌月Summer August 地址：元朗媽橫路7號富來花園A座地下15號舖 電話：67261786 營業時間：11:00~15:30；18:00~22:00 旅遊網誌：http://travelermel.blogspot.com/ Instagram：https://www.instagram.com/followme_lody/ #元朗美食 #元朗西餐 #yuenlong #得閒食飯 #hkfoodie #hongkongblogger #美露迪
