諗住近排人人宅在家，幫襯之前嘅長龍店就一定有位啦！點知都係要等！室內座位唔算多，以圓檯為主後面都有幾張2人檯，圓檯唔使等好耐午市時氛幾分鐘就入得，不過我堅持等2人檯所以等咗20分鐘。真係估唔到哩個時勢都仲有咁多人唔介意搭檯喎！唔係第一次幫襯喇，不過今日就帶埋阿媽嚟試下佢嘅#肉骨茶，等佢話我知夠唔夠正宗呀嘛！菜式選擇唔多，不過肉骨茶可以任揀唔到部位，有骨落地又得，啖啖肉又得，總知就係骨、腩、肉各有所好！落完單，每位先捧上一大碗肉骨茶你慢慢嘆，冇豬肉浸住嘅肉骨茶，藥材味仲濃郁，可以當湯飲，如果送埋條油炸鬼就真無敵喇！可惜冇提供俾錢買都冇~ 點擊圖片放大 捧捧骨煲 $76 因為唔想淨肉，就叫咗捧捧骨貪佢煲仔上，仲跟埋豆卜同金針菇，原煲上又真滋味啲！豬肉夠入味，肉質都算鬆化，最正都係啲豆卜，索滿晒湯汁再沾少少醬料，真係勁好味！ 椰香咖央多士 $26 咖史醬唔會太甜，帶少少椰子味道，配搭牛油同烘得鬆脆嘅多士，真係好好味，好食過茶記嘅奶油多好多！ 凍拉茶 $25 各方面都算平衡，略嫌茶味唔夠突出！ 羅惹炸豆卜 $42 羅惹醬係馬拉常見醬汁，多數用嚟沖伴水果蔬菜食，係馬來人嘅地道沙律醬。今次配炸豆卜食，覺得甜咗少少，都係適合配帶少少酸味嘅水果食啱啲！ 蘇媽.蘇媽馬來西亞茶餐室 Kedai Kopi Semua Semua 地址：基隆街251號地下 電話：24479188 營業時間：11:30~22:00 旅遊網誌：http://travelermel.blogspot.com/ Instagram：https://www.instagram.com/followme_lody/ #馬來西亞美食 #馬拉菜 #MalaysiaCuisine #BakKutTeh #馬來西亞肉骨茶 #深水埗美食 #Shumshuipo #hkfoodie #hongkongblogger #得閒食飯 #美露迪
