疫境自強行山最實際，可以強身健體！友人建議入西貢行下由大灘入海下出，輕輕鬆鬆過咗3小時！不過西貢來回車程都幾遠，一程都要成50分鐘，返到出西貢都已經係天黑，係時候補充體力喇！入西貢就梗係心思思想食海鮮啦，不過又驚俾人劏，左諗右諗都係食海鮮套餐搏一搏！套餐都算幾多選擇，一行七人就有七個餸再加一碟菜，菜式方面海鮮類有10款俾你揀，咁就一定係揀海鮮啦，唔通咕嚕肉咩！埋單茶芥加一每人都要三百五架！ 是日菜式：上湯焗龍蝦、椒鹽鮑魚、椒鹽瀨尿蝦、蒜茸粉絲蒸元貝、薑蔥炒蟹、碧綠泡蝦球、秘製鹽水雞腳、油菜、甜品 點擊圖片放大 菜式方面選擇都算有誠意嘅，海鮮唔可以話好新鮮不過都ok，味道嚟講都中規中矩咁啦！入得西貢就預咗有一定嘅消費額，尚可接受，不過想食平靚正海鮮的話就真係未必入西貢喇！久唔久一次郊遊兼順路食海鮮都好開心嘅！不過睇見咁大間餐廳得幾檯客咁冷清，都有啲心噏，希望可以盡快走出谷底！ 全記海鮮菜館 地址：萬年街87-89號地下 電話：27911195 營業時間：07:00~23:00 旅遊網誌：http://travelermel.blogspot.com/ Instagram：https://www.instagram.com/followme_lody/ #疫境自強 #西貢行山 #西貢食海鮮 #全記海鮮大餐 #SaiKungSeafood #hongkongblogger #hkfoodie #得閒食飯 #美露迪
