天氣清涼最啱行吓山，當然運動嘅終極目的都係為咗食更多好嘢！响元朗食晏再坐68R去大棠，沿途仲可以欣賞到有香港千島湖之稱嘅大欖涌水塘，終點站為小欖！行吓hea吓又過咗幾粒鐘，落到山都成7pm，再坐番小巴落三聖村涮海鮮！圓美行程~ 識路一定入三聖食海鮮，流程同向流浮山、鯉魚門一樣，一入村就見到大排海鮮檔，價錢唔會太大出入，海鮮種類都好豐富，價錢又比西貢、鯉魚門平一大截。附近餐廳都幫襯過好幾間，就以大街嘅廣東名門坐得最舒服，裝修又靚啲！內街仲有幾間大排檔風格嘅餐廳，不過一人多水準就下降，所以總結都係幫襯番廣東最穩陣！ 今晚一行8人買咗5款海鮮：4隻龍蝦、2桶美國桶蠔、大花甲、8隻蟶子皇、8隻鮑魚、再送一份海鮮湯，埋單$1,200！計落每人都係百四蚊左右~ 龍蝦開邊用芝士脆炸，哩個做法真係行勻全香港得哩到先有。有別於坊間芝士焗龍蝦嘅濕淋淋做法，哩到香口惹味好多！除非你怕熱氣，否則一試難忘！ 椒鹽鮑魚都好入味，不過賣相就欠奉，應該放番上個鮑魚殼呀麻！今啲鮑魚夠厚身，入口彈牙！ 海鮮檔送嘅海鮮料真係豐富到不得了，有一條石班大約斤鬆啲重，再送多4~5隻瀨尿蝦仔仲有蜆，全部都係度活躍架！雖然都知最後我哋飲個碗湯應該係集大成傑作，不過見到都開心嘅！何概碗海鮮湯真係超正，奶白色湯底鮮味非常濃厚，自己屋企煲唔到架！要飲多兩碗！ 淨海鮮又太寡喇，點番半隻燒鵝、豆苗就啱啱好！超滿足~~ 廣東名門 地址：屯門三聖邨三聖市場1號地下 電話：2955 1313 營業時間：11:00~23:00 旅遊網誌：http://travelermel.blogspot.com/ Instagram：https://www.instagram.com/followme_lody/ #海鮮大餐 #三聖村食海鮮 #香港美食 #得閒食飯 #得閒行山 #hkfoodie #hongkongblogger #mongkok #美露迪
