大時大節#友人飯聚 梗係#打邊爐 啦！今次唔揀任食放題，好日子要食好啲，一於搵間靠得住嘅！哩間#火鍋撚 店名夠晒玩味，室內裝修都算係幾有特色，扮晒古色古香，火鍋撚即係火鍋人嘅國語音，主打台式火鍋料理，必食招牌湯底新品「台式古早沙爹麻辣鍋」$129，「鎮店蜂巢豆腐白鍋」$129，相拼價$159！有辣有唔辣兩款都勁好味！麻辣鍋湯底跟招牌鴨血，值得口感Q彈一追再追！蜂巢豆腐即係冰豆腐玩帶藥材味湯底都好夾！打之前一定要先飲為敬！ 食材選擇都幾豐富，台式有廣東式都有，再加埋自創嘅，打得過癮！ 海鮮點咗美國桶蠔($158)同蟶子皇($42/隻) 真材實料，新鮮又好食！ 極上手切肥牛(大)$308 唔係唔好食，不過真係貴咗少少，哩個價出面食到手切牛頸脊啦！份量又唔係多喎！ 哩到有出外冇嘅有哩款紫淮山$59，齋睇都覺得有益健康！口感味道同白色嘅差唔多啫！ 黑松露雜菌餃$55，點心打邊爐唔出奇，勝左煮完個水晶皮變得Q彈可口~ 順德魚腐$39、響鈴$49、炸魚皮$46全部即叫即炸即食，價錢平但係超好食！超級推薦！！ 哩到仲有幾款特飲，一腐竹白果糖水沙冰原本好想試，不過又怕太甜又怕太飽冇叫到，點知去到尾聲，服務員話送埋個甜品俾你地先！一睇原來就係每人一小杯#腐竹白果糖水沙冰 仲要用個鼎嚟裝住！真係鼎級滋味！ 鼎級滋味就襯番個鼎級價錢，每人埋單四百幾少少貴啦！大時大節食得開心就ok~ 不過用餐時間得2小時就陰公咗啲！加多半個鐘會好好多囉！ 火鍋撚 地址：旺角染布房街6號1樓 電話：66827609 (WhatsApp) 營業時間：17:30~03:00 旅遊網誌：http://travelermel.blogspot.com/ Instagram：https://www.instagram.com/followme_lody/ #得閒食飯 #得閒打邊爐 #香港美食 #麻辣火鍋 #台式火鍋 #旺角美食 #hkfoodie #hongkongblogger #mongkok #美露迪
