又到#大閘蟹 季尾喇!今日去開灣仔行山,行完順便向附近搵食,無意中發現#灣仔金兜記 做緊個#大閘蟹任食 套餐每位數358,都幾抵就一於食埋今餐收爐! 金兜記向灣仔都有十年八載,周未當天訂座都竟然有位,好彩!事關我哋7點鐘去到已經全場爆滿!個套餐除咗大閘蟹任食之外,仲包埋幾味單點小菜!食過幾年#鴻星 #大閘蟹套餐,今次哩個收緊鴻星價錢,亦俾番鴻星質素,加埋大閘蟹任食,係好抵食! 金兜記大閘蟹任食套餐$409(連茶芥及加一) 杏汁花膠燉湯 **杏汁香濃湯底又夠晒清甜,好飲喎!就算塊花膠唔係咩貴嘢,都收貨啦! 金沙蝦球 **金沙厚厚包裹住隻大蝦球,蝦球又夠爽口,金沙菜式幾時都咁好味!每人仲有兩件添! 紅燒BB乳鴿 **出餐太快喇!仲食緊第一隻大閘蟹就已經上檯,食完蟹先食佢已經攤凍咗!雖然係咁都食得出肉質幾嫩滑嘅! 臘味糯米飯 **唔係生炒都好食,一餐飯點都要有少少澱粉質落肚先得嘅! 大閘蟹 **任食2小時,先上一盤每位2隻全公蟹,啱啱蒸起熱辣辣,蟹膏非常濃厚,不過肉質就略嫌削少少!食完再叫第二輪,唔使3分鐘又上檯,速度好快絕無欺場!前後食咗三輪,整體都合格,我四隻蟹都算幾好,蟹黃蟹白都好豐腴!雖然話2小時,不過由你點完餐先計,唔係一坐底就計時,所以人未齊都可以坐陣先!食完又冇催我哋走,服務係唔多夠人,不過都算到位! 金兜記海鮮菜館 地址:灣仔灣仔道3號尚翹峰第二&三座A2舖及1樓 電話:3907 0878 營業時間:11:00~23:30 旅遊網誌:http://travelermel.blogspot.com/ Instagram:https://www.instagram.com/followme_lody/ #灣仔美食 #wanchaifood #得閒食飯 #hongkongblogger #hkfoodie #美露迪