又介紹番香港飲飲食食，香港人真係好鍾意打邊爐，今次幫襯咗旺角奧海城牛涮鍋，朋友好叻叻用手機卜位，不過都等咗45分鐘！匯豐卡有優惠和牛放題周未$276+10%，普通就$236~ 澳洲和牛兩款各一盤再加極少量海鮮，雖然得兩盤但份量都唔算少，拍得住塊mask咁大件！兩盤都有8件！其他鍋料都有啲選擇，日式丸小食、前菜、麵飯、蔬菜，飲品都有好幾款，不過不失咁啦！90分鐘放題真係得日本先至興，香港2粒鐘都俾你嫌棄啦！不過換個角度諗，時間少啲食物質素應該相對又會好啲！牛肉質素都真係唔差，俾二百幾蚊咋你又唔好期望食到M5和牛囉！哩個價錢哩個質素都叫有交代啦！ 日式火鍋湯底都有9款選擇，豬骨、雞湯、麻辣、味噌、Sukiyaki等等......；點咗雞湯+麻辣，完全食唔出分別，雞無雞味，麻辣唔辣！ 整體嚟講，個人覺得日式火鍋都係午市抵食好多！和牛定食放題60分鐘賣百鬆啲！啱晒其實食唔到太多肉嘅女士！ 牛涮鍋 Mou Mou Club (奧海城) 地址：大角咀海庭道18號奧海城二期1樓128A號 電話：2702 8268 營業時間：11:30~23:30 旅遊網誌：http://travelermel.blogspot.com/ Instagram：https://www.instagram.com/followme_lody/ #打邊爐 #火鍋放題 #日式火鍋 #旺角美食 #奧海城美食 #mongkokfood #香港牛涮鍋 #moumouclub #得閒打邊爐 #美露迪
