繼續#首爾旅行 #韓國燒烤 就梗係要食啦！第一時間想到要去馬場洞食#韓牛 以前都嚟過兩次，第一次幫襯#龍門家 第二次就幫襯市場內二樓嘅烤肉店。樓上餐廳有趣位在於肉係自己响樓下肉檔精挑細選，明碼實價，睇啱先俾錢 不過二樓餐廳開爐費每位就要收W5000，前菜選擇少仲要冇得refill，水都要收錢，體驗麻麻地⋯⋯ #龍門家 咁受港客歡迎都真係有番咁上下！想韓牛又有，食平啲嘅美國牛又有。想一次過品嚐幾個牛部位可以點拼盤W80,000-W120,000 細嘅一客夠三個人食，大嘅夠五/六人開心些。識得食又可以點指定部位，Ribeye、Sirloin、牛肋骨都可以。個人認為質素真係唔錯，靠得住 最難得係前菜有特色，除左一般Kimchi泡菜之外，仲有伴生牛肉、同新牛肝牛柏葉！樓上餐廳梗定冇得食⋯就算有都要額外收費！ 2019年5月價格 是日餐點： 韓牛拼盤（700g/細）W80,000 ，韓牛肉眼（300g) W60,000 *上圖紅色部份係韓牛價錢，藍色係美國牛價錢(一分錢一分貨，嚟到韓牛就梗係要試下正宗韓牛啦！) 總括：韓牛肉味比和牛濃郁、肉味有彈性但係都好嫰腍。16年第一次幫襯龍門家大拼盤都係賣W80,000咋！依家貴咗50%，真係物價飛升！不過話說我都覺得比市場入面嘅樓上舖抵食！仲有就係哩到嘅泡菜係我成個Trip食過最好食嘅一間，哩啲傳統食物都阿嫲出品必屬佳品！ 龍門家 용문집 地址：首爾市城東區馬場洞761-8 電話：+82-2-2292-2218 營業時間： 11:00～02:00 (午後無休市) 交通方案：馬埸洞站2號出口徒步15分鐘 *市場入面新開二號店，無訂座都ok！ 旅遊網誌：http://travelermel.blogspot.com/ Instagram：https://www.instagram.com/followme_lody/ #首爾美食 #首爾自由行 #首爾必吃 #美露迪遊世界 #美露迪
