趁復活節四天假期，近近地撘高鐵返大陸行下食下。香港西九站>>>潮汕站連停站時間三小時不到，舒適快捷！ 嚟到潮汕梗係要食牛肉火鍋啦，咪以為淨係得台南先食到溫體牛，其實潮汕一帶嘅牛肉火鍋大部份都溫體牛！由屠宰到上餐檯也不過三小時內，完全不經冷藏，非常新鮮！牛肉裡頭嘅水份不會因冷凍過程而流失、保留最原汁原味！ 响哩到食牛肉火鍋，對牛肉部位都非常講夠，叫肥牛的話肯定俾人當菜鳥！ 識食嘅通常會叫哩幾款：（按我個人喜好排序）雪花肉、五花趾、吊龍伴、匙柄、三花趾、嫩肉、牛筋丸。 雪花肉：Ribeye 部分即係牛肩腹肉 五花趾：後腿內則牛腱肉 三花趾：前上腿牛腱肉 吊龍伴：牛脊背上一長條肉 匙柄：肩腹肉小排 嫩肉：臀肉又稱牛冧肉 溫體牛比入口雪藏過既牛肉口感更有彈性，肉味更濃，當然唔可以同賣貴一百倍既日本和牛啦，不過肯定唔會比哩到賣¥25/碟嘅新牛肉好食一百倍囉！以性價比嚟講，潮汕溫體牛肉絕對係無敵嘅！識食一定食潮汕牛肉火鍋！認住上述六大部位名稱，就食到最牛料理！ 官塘兄弟 地址： 凤东路官塘果蔬综合批发市场旁凤 電話： 13631027322 營業時間：11:00～14:00；17:00～22:00 旅遊網誌：http://travelermel.blogspot.com/ Instagram：https://www.instagram.com/followme_lody/ #溫體牛肉 #牛肉火鍋 #高鐵潮汕站 #官塘兄弟牛肉火鍋 #潮州美食 #潮汕旅行 #得閒打邊爐 #得閒旅行 #美露迪 #美露迪遊世界
