哩間位於新蒲崗嘅#蟹仙 ,主打#海鮮蒸鍋 ,門口放左個大蟹缸,睇落都幾吸引!室內裝修一般又無椅背,坐得唔舒服喎。價錢都唔平,套餐由$298~$698/位,為免中伏今晚叫咗$398套餐,不過周末附加費,醬料錢,飲品之後再加一,最後埋單每人盛惠五百! 套餐食物清一色海鮮無肉,一律按位上。包括: 1. 菲律賓大黃奄或越南膏蟹(半隻),我地揀左後者好生猛,又多膏味道都好鮮甜! 2. 澳洲幼蝦龍(半隻),味道鮮甜又係勁多膏,不過肉質唔算好彈牙。加上蒸未熟透,又扣少少分。 3. 泰國虎蝦 4. 元貝同蟶子二選一,普通size普通貨色! 5. 鮑魚中規中矩 6. 蠔細仔咗啲仲要係急凍貨 7. 龍躉片肉質鬆散,味道都麻麻地啫 8. 仲有越南嚟嘅貴妃蚌,大大隻好新鮮又爽口 9. 瀨尿蝦兩人分一隻,夠大隻喇不過肉質比較削,又唔夠鮮味~ 蔬菜方面:就有栗米、南瓜、娃娃菜、唐生菜。食晒所有海鮮同菜其實都未覺飽,最後食埋個海鮮粥鍋底,就啱啱好喇~粥底落埋之前啲瀨尿蝦頭去餚,都算幾鮮甜!是日甜品有椰汁官燕,味道ok既~不過真假就唔敢講喇~ 整體嚟講:價錢略貴,交通不便,但勝在不限時,試過就算了⋯⋯ 蟹仙 地址:新蒲崗仁愛街50號地舖 2565 6118 營業時間:11:00~00:00 旅遊網誌:http://travelermel.blogspot.com/ Instagram:https://www.instagram.com/followme_lody/ #得閒打邊爐 #香港美食 #海鮮火鍋 #新蒲崗美食 #hkfoodie #hongkongfoodie #美露迪