失驚無神#過澳門玩 咗大半日,好玩仲有好食當然唔少得。由於今次坐#turbojet 所以第一站走咗上大三巴行下。計落都成六年冇去過#大三巴 喇,不過無論任何時候嚟都咁多人!大三巴旁邊有邊#戀愛巷 哩個就真係第一次嚟喇!又真係幾靚喎!葡式建築用上粉紅色,怪不得成為網紅打卡熱點! 午餐幫襯咗大三巴後面嘅#蕃茄屋葡國餐廳 ,响Google comment見到相當人氣,於是順道一試。 裝修都算幾葡式,不過菜式就係茶記。招牌菜#咖哩牛腩 ,味道可以,但只係䇜汁唔係醬汁,唔夠專業,好在牛腩都算夠腍,配法包食都ok⋯⋯之但係賣相就差少少! 另一味係佢哋自創菜色馬介休薯絲炒蛋,普通炒蛋嘅味道,完全食唔出馬介休⋯⋯唔可以話唔好食嘅,之唔係炒蛋一碟囉! 之後又上咗#25巴士去咗路環搵美味#安德魯葡撻 ,巴士去到總站,落車就係外賣舖,轉個彎入面仲有兩間堂食店,啱晒坐定定嘆番杯茶,食件新鮮出爐好味葡撻!堂食價錢同外賣一樣。味道方面堅係好食!哩啲咪叫青出於藍!比原裝里斯本Pasteis de Belem仲好食! 安德魯咖啡店 地址:路環市區路環村屠場前地9號地下 電話: 2888 2174 營業時間: 09:00~18:00 旅遊網誌:http://travelermel.blogspot.com/ Instagram:https://www.instagram.com/followme_lody/ #安德魯咖啡店 #澳門美食 #得閒過澳門 #macaufood #hkfoodie #hongkongblogger #美露迪