上開飯搵餐廳食飯,見到旺角兆萬有間火鍋兼日式放題可以卜枱,就貪方便約朋友去試下!兆萬中心起碼有十間放題店,都食過好幾間,價位間間都係咁上下,人均二百任食兩小時,人流不絕! 哩間#八鍋堂 我只係提前一日網上卜都卜到,有少少懷疑。晚上7pm準時到,客量只有5成,心感不妙!不過既然嚟咗都試下啦!門口一排雪櫃,放咗蔬菜、丸、麵食之類,七零八落都唔知想點! 湯底有八款選擇、麻辣要額外加$30,雙併又要加$30,四併$68賣點係有隻狗仔冰,懶得意咁! 日式放題嘅食物如刺身壽司包咗,不過質素差過爭鮮;和食仲有串燒、天婦羅! 火鍋料基本款式如豬牛羊都搵到,想食海鮮咩唔該位位再加$30,不過加咗$$唔等於有好野食噃!係嘅,可能你會話加你$30咋,嘩!急涷雪蝦、元貝、象拔蚌、墨魚滑⋯⋯咁都叫海鮮?!又加$60叫咗碟靚牛肉,碟牛都真係幾靚嘅,不過一落水就散!普通肥牛不過不失啦⋯⋯ 120分鐘傾下食下話咁快又過,甜品有牛奶公司香芋雪糕,梗係食埋先走! 左加右加,埋單每位$308,咁就唔係基本價啦!有要求都係理所當然!伏到咁真係唔會有下次!其實之前都有幫襯過13、14、15樓,跟本就係劣食集中地! 八鍋堂.中日火鍋專門店 (旺角) 地址:旺角兆萬中心3樓301號舖 電話:2151 2838 營業時間:12:00~00:00 旅遊網誌:http://travelermel.blogspot.com/ Instagram:https://www.instagram.com/followme_lody/ #兆萬中心 #旺角放題 #日式放題 #火鍋放題 #得閒打邊爐 #mongkokfood #hkfoodie #hongkongblogger #美露迪