點擊圖片放大 新正頭咁得閒過大海啱晒！最近澳門新濠影滙出咗個勁Show《#狂電派》#ElekronShow ，咁順便去睇下啦！澳門2日1夜太晏出發覺得好蝕底，所以搭咗11點船去到先嘆番個酒店自助餐先，食到3點走去check-in，啱晒數！ 中午都係去咗新濠影滙嘅星滙餐廳食Lunch Buffet，Walk-in價$278再加一，之前俾我發現原來上網買平好多，咁就提前卜定先星期一至日都係$225蚊包加一，計落即係75折！講番有咩食先！魚生刺身壽司哩啲基本嘢齊全，涷盤海鮮蝦蟹貝類都有。熱盤選擇都唔少，中式印式西式樣樣都有，梗有幾味啱口味！甜品都失禮，有Haagen Dazs雪糕食，又有即製pancake呀咁！$225嚟講都算幾抵食。聽聞哩到嘅自助晚餐海鮮再多好多，麵包蟹、生蠔都有，不過Walk-in賣緊$498+10%，上網就$393包加一，如果去澳門慶祝呀咁，玩兩日包埋食buffet感覺開心好多嘅，400蚊一位點都平過香港好多啦！所以話幾時都係澳門啲酒店自助餐最抵食！澳門每間酒店都有自己商場，真係有排逛，好處係個啲舖頭肯定你買唔到嘢呀麻！ 行吓行又夠鐘開Show喇！估唔到會咁人山人海喎，唔緊要反正劃好位嘅，幾多人都係唔會冇位坐嘅！個Show長75分鐘，場地唔太大，大家都可以近距離欣賞，房車、電單車、單車大玩特技，隔雜場玩咗幾年水，哩到就玩火玩電，75分鐘話長唔長，話咁快攸玩，都睇得幾緊張吓！聽講上網散買門票最平都係$220，有時間又過開嚟澳門都可以考慮吓嘅！ 酒店方面係經網上預訂嘅船飛連酒店再包埋《狂電派》門票，酒店就揀咗#SheratonMacau，貪佢雙床房唔使加錢，位置幾好間房又四四正正，2~3人住夠晒，4人住都ok反正都係瞓一晚啫！ 新濠影滙酒店~星滙餐廳 地址：新濠影滙酒店明星滙二樓2113號 電話：(853) 8865 6668 營業時間：06:00～22:30 旅遊網誌：http://travelermel.blogspot.com/ Instagram：https://www.instagram.com/followme_lody/ #得閒過澳門 #澳門自助餐 #吃到飽 #澳門喜來登酒店 #hkblogger #hongkongfoodie #美露迪遊世界 #美露迪
