點擊圖片放大 上星期得閒約咗幾個朋友番深圳搵食，第一站先去萬象天地食晏，撘地鐵好方便。午餐地點揀咗食#北京烤鴨 ，哩間#羲和雅苑 來自北京，全國甚至香港都有分店，聽講香港店人均消費成三百蚊，上深圳食就平一半！ 餐牌上大部分菜式都有兩個價錢，會員價比walk-in價平大概兩成左右，可以即時入會費用成兩百大元，或者開通wechat pay，可以透過美團APP購買指定套餐，同會員價差唔多。不過註冊美團要用大陸手機號，我就享受唔到哩啲福利囉⋯⋯ 北京烤鴨¥268/隻 真係平過香港店一半勁抵食！隻鴨烤得好靚，堅係皮脆肉嫩，不過個人嫌無乜鴨味，完全唔覺得食緊鴨肉！正所謂食雞要有雞味、食羊無羊味，仲邊樹好食啫！ 一鴨可以二食，煑湯免附加費，不過我要咗椒鹽鴨架就要俾多¥15。又幾惹味喎！ 松鼠桂魚¥268 按斤計價錢有啲貴，不過整得都幾好，酸甜適中，外脆內軟，肉質鮮嫩，正！ 其餘幾款小食就唔多講喇，有姿勢冇實際。 羲和雅苑 地址： 深圳華潤城萬象天地SL257 電話：+86 755-8668-0088 營業時間：10:00～22:00 交通攻略：地鐵1號線高新園站A出口 旅遊網誌：http://travelermel.blogspot.com/ Instagram：https://www.instagram.com/followme_lody/ #hkblogger #hkfoodie #得閒番深圳 #得閒食飯 #深圳美食 #shenzhenfood #美露迪
