近年又興番食台灣嘢,台灣茶飲開到一街都係,牛肉麵店一間接一間。哩間#六両三 位於尖沙咀,餐廳外型非常有特色,彷古設計好吸引,之前經過見到就已經好想試一試!周末中午1點前到完全唔需要等位,不過食到兩點幾離開時就見人龍 餐食方面只有牛肉麵同鹵肉飯,或者可以叫牛肉配鹵肉飯都得,小食亦得幾款。價錢個人認為少貴,牛肉麵$70起、小食$20起、飲品$20起。人均$100! 川味紅燒三寶牛肉麵$80 川味紅燒牛筋牛肉麵$75 百頁豆腐$20 ♥♥ 檸檬冬瓜茶$23 ♥♥♥ 三寶多咗兩片牛腱,整體來說牛肉年筋牛腱都燘得好腍好入味,味道討好!不過就略嫌餸料偏少有啲孤寒!雖然叫川味但湯底完全唔辣,食得出冇味精唔太鹹,食慣譚仔嘅可能會嫌太淡口,我就覺得幾好,食完唔會口喝!麵底可自選粗麵或幼麵,口感介乎上海麵同拉麵之間,唔會太軟或太硬,都幾喜歡。 ***同坊間比較個人偏好「鐵牛」多啲! 六両三 地址:尖沙咀宜昌街3號地下 電話: 3462 2140 營業時間: 11:00~22:00 旅遊網誌:http://travelermel.blogspot.com/ Instagram:https://www.instagram.com/followme_lody/ #hkblogger #hkfoodie #tsimshatsui #instafood #尖沙咀美食 #香港美食 #台灣牛肉麵 #台灣料理 #得閒食飯 #美露迪