一連21天南美之旅終於順利完成，隨著國際局勢由舊年年尾原定去土耳其、以色列、約旦既長假期，後泥180度轉左做南美精華遊，都算少少峰迴路轉！今次南美之旅歷時21日，算係本人就業以來放得最長假期既一次，最叻係串勻三個節日(復活節、勞動節、佛旦)，請10假就有21日，認真超值，最適合非公務員在職人士去番轉南美精華遊喇！點解咁講！？因為公務員多假囉，閒閒地都請到一頭半個月假去邊都得啦！大概農曆年後先齊腳訂機票，左格右格最終幫襯永安買法航，香港經歐洲來回南美機票秘魯入阿根廷走，去程經amsterdam回程經巴黎，淨航程需時大約25小時，只須轉一程機，大大減低行李轉失既機會，同埋唔使申請美國簽證，又慳番千幾蚊！轉機個幾個鐘又可以向歐洲 shop個ping吃個飯，都唔錯！不過由於法航/KLM唔係one world成員，儲唔到asiamiles，只可以儲番佢地 flyingblue 既里程，唔係就perfect喇，事關單係哩張大飛就已經有32000里程，真係唔講得少！除左哩條大飛之外，今次行程仲要坐多6程內航機，分別經lan.com (其他國家 - 英文網)同埋TAM航空訂，總支出為USD 919，全線e-ticket非常簡單方便！估唔到南美機，座位咁舒適設備又一流，航班亦相當準時，絕冇甩碌情況出現！大家可以放心！ 香港來回南美大飛 HKD 19280 (AF/KLM 聯航) HK - (飛12小時) -> Amsterdam (轉機6小時) - (飛12小時) -> Lima Bunoes Aires - (飛12小時)-> Paris (轉機11小時) -(飛12小時)-> HK LAN.com 5程內陸航機 USD 788 LA 2096 09:30 - 11:10 Juliaca -> Lima LA 637 14:00 - 18:25 Lima -> Santiago LA 841 09:20 - 13:00 Santiago -> Easter island LA 842 14:30 - 20:45 Easter island -> Santiago LA 750 08:15 - 13:50 Santiago -> Rio de Janeiro LA 4021 10:25 - 12:20 Iguazu (Argentina) -> BUENOS AIRES TAM 巴西航空 USD 131 (因為lan既schedule唔係咁適合，所以幫襯哩間，遲下TAM會同Lan合併，所以都靠得住!) JJ 3188 23:18 - 01:20 + 1 Rio de Janeiro -> iguassu falls (Brazil) 哩次南美之旅，向秘魯Peru一站，我地需要坐幾程長途巴士，真係好長，仲要冇臥舖車，坐到腰骨斷咁濟！ Cruz del Sur Lima -> Nazca (~8小時) USD 24 CIAL Nazca -> Cuzco (~14小時) 100 soles (~USD 37) Inka Express Cuzco -> PUNO (~10小時) USD 55 除左巴士仲要坐火車，上Machu Picchu唔想行4日就一定要坐火車！來回USD 80 Peru Rail Ollantaytambo -> Aguas Calientes (picchu山腳小鎮) ~2小時 Peru Rail Aguas Calientes -> Cuzco ~4小時 今次哩個trip出左好多個之最，唔單止放得最長假，仲係坐得最長途飛機，又係搭得最多飛機、食得最多飛機餐、坐得最長途巴士、睇得最多世界奇景、同埋使得最多錢既一次。對東方人來講，南美的確係幾山卡啦既，但係對美加旅客泥講，就好近喇，加上近年拉丁美洲經濟發展迅速，所以當地旅遊事業早已開發得唔錯，hostel、航空、巴士、火車、local tour上網都可以搵到，選擇亦唔少，唔知點捒好，上網睇下班老外既comment就一目了然啦。絕對冇難到，比起上次去俄羅斯真係易把握好多，雖則話當地主要講西班牙話，但係因為我地去既都係熱門旅遊城市，想搵個識英文單字既亦唔難，基本上溝通係冇問題既，我地去到既地方，大部份當地人都好Nice，好熱情，特別係向巴西里約熱內盧，去之前好多人都話巴西治安好差，要好小心，去到發現哩到既人最熱情，冇講得咁嚇人喎！此行全程都好順利，各地治安都好好，唔覺有乜大問題，向Peru既主要城鎮都見有好多警察，感覺好安全，南美自由行絕對easy job! 不過最估佢唔到既反而係天氣，仲以為南美全年都好熱，點知原來當地4-5月份已經進入秋季，早晚得幾度好鬼涷，好彩出發前發現，帶左件厚fleeze去，事關我全喼9成半造型都係夏季嚟架麻！哈哈哈 下一篇：南美奇趣精華遊 - 荷蘭 (中轉)
