2014-10-3 帶左兩星期牙套，喺啱啱帶頭果幾日好唔慣,好唔舒服，不過帶左4-5日後已經開始無乜野， 只係每次折出黎再帶返去果時D牙會酸軟，而且帶住個箍食野食左一星期，覺得個箍好似越黎越鬆， 好似箍唔實D牙，於是今日同醫生CONFIRM，問下係咪折左箍食野好D?費時整鬆個箍 不過醫生話今日上左ATTACHMENTS之後會好D，亦建議我帶住食，因為食野用力，其實會令個箍更實 咁樣好D，而且唔好成日折黎折去，唔駛每次飲一飲野、食一食野就折出黎，早晚清潔一次都OK 講返今日整ATTACHMENTS，ATTACHMENTS其實係好似蝕統箍牙既粒粒， 要整起本身D牙上面，細細粒突起既，有D呢D粒粒，個牙箍就可以箍得實D同定位， 唔會咁易郁黎郁去，原本有D擔心今日上左ATTACHMENT會好唔舒服， 估唔到又無乜野，係比之前緊左少少同實D，不過無乜唔舒服既感覺 上ATTACHMENT時醫生會貼D膠粒粒喺D牙上面，然後搵藍燈照，照完最後再撬出黎， 全程最唔舒服反而係佢撬出黎果時，D牙好似比佢扯出黎咁...如果D牙好健康可能D人都無乜野， 不過自己D形唔好，一大力整整佢，即刻覺得酸軟或者痛.......... 正式黎講，今日先係真正開始箍牙，因為第一SET箍只係比你適應下帶箍既感覺， 而家上左ATTACHMENTS，個箍先有力去掹住D牙 今日醫生比左4套箍我(連埋即時帶呢套)，下一次去見醫生係11月28日既事 今日開始，每7日就帶住個箍影張相SEND 比醫生，等佢睇下帶箍帶得啱唔啱同有無問題， 等醫生KEEP CHECK住個進度 一次比晒4 SETS，每2星期自己換一對新既，寫晒日期，好清楚！ 帶箍容易，除箍難.....而家唔會咁輕易除箍... 今朝喺醫生度同姑娘玩左好耐，連佢都除唔倒，除左好耐........ 今晚自己返去要好好PRACTICE下........ 每SET有寫佢既NO., 屬於第幾SET，同埋有分LOWER (L)同UPPER(U)，唔會搞錯邊個係帶上面，邊個係帶下面。
