箍牙前 選擇一個好同有口碑既牙醫 真係要做下RESEARCH,上網或者問下身邊既朋友,搵個信得過既朋友問意見 (錢預左要比,唔相差好多,最緊要效果好) 價錢 (Invisalign 隱適美) 箍牙價錢由HK$30,000 - HK$100,000不等。 朋友CASE： D牙只有少少唔齊，搵返佢既家庭牙醫，收HK$50,000，無剝牙，只做左磨牙。 媽咪同事細佬：同我一樣既牙醫，無剝牙，收HK$38,000。 自己：林靜怡牙醫，剝4隻牙，47SETS 牙套，收HK$42,000。 傳統箍牙 VS Invisalign 隱適美 考慮傳統箍牙或者Invisalign 隱適美,價錢係一個因素,不過自己既自律性係最重要。 傳統箍牙 上左箍就唔駛理,除左注意清潔保養外，比Invisalign 隱適美平幾千蚊。 每次牙醫會定期同你檢查同再整個箍，唔駛你煩,牙醫會同你KEEP TRACK進度。因為你無機會除個牙箍，一定帶足咁多個鐘。 Invisalign 隱適美 係美觀D，不過佢要你一日帶足22小時,如果你除左出黎唔記得帶,帶唔足時間,好影響你既箍牙結果。曾經上網睇過一篇外國人記錄佢計算一日要花幾多時間喺 Invisalign 隱適美到,嚇左我一下，又朝早起身刷牙,除牙套,帶牙套,用左10分鐘，之後食早餐前，又做一次除牙套>刷牙>再帶返牙套......中間下午茶...飲野......又REPEAT....食晚飯再REPEAT...如是者一日...佢用左3個鐘喺Invisalign 隱適美度。 Invisalign 隱適美要求高度自律性.....因為帶得好唔好...夠唔夠時間...完全係你自己控制......
