2014--9--1 (9 AM) 終於到左第一次剝牙既日子...晨咁早9AM上到去,亞姑娘先啱啱返.... 跟住去換衫.....醫生就再遲D.......9:15AM先到,準備埋都9:30AM 亞姑娘唔駛同我約咁早啦...等左成半個鐘...... 你驚D人遲到,約早D係OK,唔駛約咁早要人等咁耐....仲要係醫生姑娘都未搞掂..... 勁眼訓......喺呢個時候...終於入得去剝牙...... 先打左麻醉針....上下D牙肉打 過左一陣,醫生開始動手.... 佢先剝我上顎犬齒後第一隻 第一下感覺係隻牙好實...因為FEEL到佢勁大力扯我隻牙.... 我心諗...我FEEL唔到痛住...不過好大力 佢叫姑娘按實我個頭....開始有D驚同擔心...會唔會D麻醉唔夠.... 當我正想嗌..好似FEEL到就黎痛...佢話得左....剝左一隻...... 第二隻..係下顎犬齒後第一隻 呢隻要坐喺度剝....剝剝下醫生叫姑娘拎左支夾既野... 仲驚....隻牙又係咁實? 喺佢勁用力,不斷嘗試下...隻牙終於剝左....FEEL到佢好似出盡全身氣力扯我隻牙出黎.... 終於剝左一對...佢比返對牙我..原來隻牙既牙腳咁長.....唔怪之得要咁大力扯啦.... 真係唔慣無左兩隻牙....而家唯有用住右邊形食野先....不過開始擔心....之後剝埋右邊...點算...... 下面牙肉幾日後已無乜野...不過上面既牙肉仲係痛...於是打返去同姑娘講想延遲剝牙... 佢話OK比醫生睇左先,再安排下一次剝牙既時間 2014---9---11 (11:30AM) 今次好D,可以安排呢個時間,睇完啱啱好返工 醫生話我上面D牙肉有發炎,所以會痛,之後叫我刷牙唔好避開O個個位,都要輕輕力刷下 之後就叫我同姑娘買一支漱口水,可以消炎同防止細菌滋生, 用法：早晚刷牙前後各一次 用左真係好似好D,牙肉開始唔痛 呢支就係佢RECOMMEND既漱口水,下次可以去返藥房買都得,佢呢支$50 所以就再約下一次剝牙.... D FRIENDS一聽到話剝4隻,多數都話好地地剝晒D健康既牙...唔好剝.... 奈何我已經洗濕左個頭,無計...喺呢一個禮拜..不停上網搵資料睇FORUM 人人個CASE唔同,都無得比較....但係而家剝左一邊,一定要剝埋另一邊,BALANCE返兩邊既力 2014--9--17 (9 AM) 快D剝埋,了左件心事,怏D帶牙套 今次剝上面果隻時,途中FEEL到有D野,即刻叫醫生停,加多D麻醉先 佢又出盡九牛二虎之力去剝我隻牙....終於第一隻又係FEEL倒好大壓力下剝左.... 下面果隻比第一隻快D....兩次剝牙過程,每次都係用左30分鐘到....好快..... 咁就無左4隻牙...而家笑同唔可以笑得太大 如果唔係好似亞婆咁無牙既情況.... 有左上次既經驗,今次一食完野就刷牙,過左兩日,好似無上次拿住拿住既情況 D牙真係超長....自己睇完都驚~~
