近排好多人用「窮遊」做主題，身為一個無乜BUDGET、又鐘意旅行既人，一睇到「窮遊」兩個字，唔理三七二十一即刻入去睇下，睇下點樣用幾萬蚊歐遊半年，總之用最少錢去最多地方旅行.......大家可能覺得窮遊一定好刻苦,其實BACKPACKER唔一定係窮遊，只係將D錢唔花費喺住同食,用喺其他體驗生活上。而豪遊既人唔一定係唔識旅行,體會唔倒旅行真正既意義，只係想將舒服D。 窮遊? 豪遊? 平實遊? 無話邊一樣最好,邊一樣先至係旅行真正既意義，只要自己覺得開心，因應自己既能力去做,就OK，旅行係屬於自己既，選擇啱自己既方式先係最緊要。 【窮遊】 通常大家都稱之為BACKPACKER，又或者大家都覺得只係D 後生仔(學生、廿零歲) 做既野......無乜BUDGET,又想睇最多野,所以要花好多時間CHECK機票、CHECK住宿，一早計劃好,成個行程用幾多。其實窮遊先最考功夫，因為自己試過計劃歐遊一個月，真係要用好多時間計劃，日日係咁CHECK機票,因為機票價錢真係可以上落好大，雖然話越早BOOK越平,不過唔係一定,有時佢出PROMO,或者LAST MINUTES,真係平到你唔信。 住方面,要平一定係住HOSTEL,如果係一個人既話,如果你有3-4個,有時去歐洲D地方,住SHARE HOUSE或者BOOK一間EN SUITE可能同你住HOSTEL差唔多。 住HOSTEL既好處，平既重點,不過可以令你有機會識到唔同國家既朋友，如果你係自己一個旅行,仲可能可以搵到個TRAVEL BUDDY一齊玩。唔好既就係沖涼要排隊沖，可能要忍受同房既噪音同怪味....(睇下閣下好唔好彩,遇到D咩ROOMATES啦！) 當然,當你無BUDGET時,為左慳錢,好多時會用行路既方式去睇景點，食又是但一餐,食個包就算,不過無可否認,行路係可以令你睇多D景點,如果自問身體好,行下當做運動都好。而且可能比你發現一D旅遊書無介紹過既特別景點同食店。 【豪遊】 唔係屋企有錢, 或者自己有錢，總之用錢搞得掂就唔係問題，基本上去得豪遊既人都唔CARE用幾多錢，最緊要舒舒服服，食得好、住得好、睡到自然醒先開始行程，有人打點晒D野,唔駛煩。只要搵間TRAVEL AGENT幫你BOOK好晒機、專車接送、安排晒LOCAL TOUR 或者請定PRIVATE GUIDE就得。 自己未試過豪遊，不過當然希望有一日做到，乜都唔駛PLAN,有人幫你搞掂,住5星級酒店....去米芝蓮餐廳食...有車代步.......(發夢中.......) 【平實遊】 大部分打工仔都係, 有一個預定BUDGET,唔介意住比多少少都唔想同人SHARE一間房(NO HOSTEL...特別係情侶), NO BACKPACKER,可以食快餐，不過有時都想食好野....最多人應該係呢類,出左黎做野,放假旅唔想太辛苦。
