呢排韓劇咁hit! 搞到我都心思思想去韓國。不過未有假放，唯有睇住韓劇當去咗先喇！有時見到韓劇有啲地方真係好鬼靚，但係又唔知係邊到喎，咁啦，等我介紹下5個最正嘅取景地俾大家啦！ 1. N 首爾塔 (N Seoul Tower) 都敏俊在餐廳準備向千頌伊求婚和掛上情人鎖的約會地方就是在N首爾塔！相信有睇過韓劇嘅你地都一定知道首爾塔係咩地方！唔講唔知N 首爾塔仲有另一個名叫南山塔，大家可以在觀景台上俯瞰全個首爾靚景，無論早午晚都咁值得睇。 交通方便評分: 位於首爾市中心，非常方便！我俾 5/5 佢啦！ 6號線梨泰院站4號出口，03號公車搭乘後在首爾塔下車 3號線忠武路站2號出口，02號公車搭乘後在首爾塔下車 3號線東大入口站6號出口，02號搭乘後在首爾塔下車 到了之後可以選擇搭南山纜車或行山上去！ 抵去評分: 4.5/5 一般觀景台：成人10000韓幣（70港幣）小孩:8000韓幣 (成人:滿13歲以上，小孩:滿3歲至12歲) 南山纜車： 成人往返 8,500韓幣（60港幣） / 成人單程 6,000韓幣 兒童往返 5,500韓幣 / 兒童單程 3,500韓幣 其實呢啲觀光塔根本就係唔會平，所以我覺得以上價格已經好抵！不過想到去要去博物館，食飯呢啲消費就無得慳架啦！ 影相靚位評分: 3.5/5 離天空最近的浪漫場所「Roof Terrace」有 N首爾塔的名產「愛的鑰匙鎖」，色彩繽紛的愛情鎖見證著一對對情侶嘅愛情，係呢到影返張相一定好浪漫啦！不過上到塔可能影景會靚過影人，地方比較細同埋如果夜晚啲燈光會難控制啲，所以係下面同個塔影多啲，咩都影下啦！記住，N首爾塔嘅夜景係仲有特色過日頭架！ 美食評分: 4/5 位於觀景台一樓的餐廳「HANCook」最為出名，在這裡享用韓國傳統料理並欣賞首爾市風景，是韓國傳統美與現在便利性共存的場所，三十多種的韓國食物組成的韓式自助餐是最受歡迎的餐點。雖然另外仲有6-7間餐廳同小食店，唔係話相當有特色..... 可能要出返去南山個邊會多啲選擇。 好玩評分: 3.5/5 這裡一直都是韓國情侶的約會聖地，周邊很多心型的裝置藝術，晚上來加上燈光效果更加提升浪漫氣氛。你可以踏上300公尺高的觀景台，俯覽全首爾的景觀，亦可在商店買個情人鎖寫上心意掛在情人橋上，N首爾塔都有啲商店可以行下。仲有個愛來魔相4D藝術博物館可以開心下嘅！但可能小朋友就會悶啲啦！ 更多資料: http://big5chinese.visitkorea.or.kr/cht/SI/SI_CH_2_1_2_1.jsp?cid=332787 2. 小法國村 《來自星星的你》，《祕密花園》、《個人取向》、《貝多芬病毒》也都在這裡取景，綜藝節目《RUNNING MAN》也來這裡拍攝了超多次！ 交通方便評分: 1.5/5 明洞搭地鐵4號線(藍色)到新堂站, 轉乘地鐵2號線(綠色)到江邊站. 江邊站旁就是東首爾綜合巴士客運站. 在東首爾綜合巴士客運站乘坐往清平客運站的長途巴士(需時約60分鐘)，從清平站(客運站)轉乘 加平觀光循環巴士 真係唔係好方便，要預多一啲時間俾交通啦！ 抵去評分: 4/5 文化體驗券 - 成人 8,000韓元（55港元）青少年 6,000韓元 / 兒童 5,000韓元 好抵玩呀！不過都要計下交通費...... 影相靚位評分: 4.5/5 光看建築物就像是集中在海邊沿岸的小村莊，與虎鳴山周圍秀麗的風景一同觀賞，則像阿爾卑斯山麓的田園村莊，如果天氣好，點影都咁靚！ 同韓劇的場景拍照十分難得！ 美食評分: 3.5/5 小法國村不大，主要餐廳都係咖啡館，雖然唔係勁好味，但係勝在個feel贏晒呢！ 好玩評分: 3.5/5 [展示館] 聖修伯里紀念館、音樂盒之屋、法國傳統住宅展示館、古董展示館、歐州人偶之家、法國傳統遊戲房、藝廊 [公演場] 人偶劇場、戶外劇場、小宴會廳 雖然唔係話好多娛樂，但係啲展示館同法國傳統人偶劇場都幾特別架！ 3. 南怡島 《冬季戀歌》拍攝地！雖然唔係近期的韓劇，但係經典更加值得煲！這邊真的是四季都能來，冬天能賞雪、秋天能賞楓、春天能賞花、夏天能看樹！正正正！ 交通方便評分: 1.5/5 在清涼里或上鳯站搭乘京春線或ITX，在加平站下車，再搭乘計程車至渡船口，ITX約40多分鐘... 佢同小法國村幾近，所以交通都係一樣唔方便，如果想方便啲，可以考慮跟愛樂遊一日遊，一日去晒參觀3大韓國熱門景點 – 江村鐵路腳踏車 Rail Bike、南怡島和小法國村! 無需擔心複雜交通，盡情遊覽享受!Link: http://bit.ly/1VXI6LK 抵去評分: 4/5 門票包船票： 成人 10000韓元 （70港元 ）特惠/外國人 8000韓元 幾抵玩呀！ 影相靚位評分: 4/5 進入到南怡島，首先映入你眼簾的是一個可愛的小庭院，還有位於島中央縱橫交錯的十字形散步小徑。這裡有很多似乎看不到盡頭的林蔭小徑上，場內仲好貼心咁mark 低晒劇集經典情節嘅地方，方便大家幻想自己係男女主角影下相！ 美食評分: 4/5 戀歌之家係南怡島最出名快餐！食嘅係韓國的古早味便當－－即係shake shake便當！雖然用料普通但係好好味！！！！ 簡單是最好的 好玩評分: 3/5 夏天個時可以踩單車，冬天可以玩雪！行行下會見到雕像、小型展覽館同好多＜冬日戀歌＞劇照..... 其實都係當relax下，影下相，睇靚景同埋感受郊區新鮮空氣！呀！仲有係嚟朝拜下！ 4. 晨靜樹木園 媲美世界各地的主題庭院，論規模及花卉品種，晨靜樹木園是數一數二的。晨靜樹木園於面積達33萬平方米，擁有20個主題庭園。咁靚嘅景當然吸引不少韓劇前往當地拍攝，如《原來是美男》、《情書》及《朝鮮名偵探》等大熱韓劇。 交通方便評分: 1.5/5 明洞搭地鐵4號線(藍色)到新堂站, 轉乘地鐵2號線(綠色)到江邊站. 江邊站旁就是東首爾綜合巴士客運站. 在東首爾綜合巴士客運站乘坐往清平客運站的長途巴士(需時約60分鐘)，從清平站(客運站)轉乘 加平觀光循環巴士 去郊區交通都係一樣唔方便！ 所以有時候跟一日遊係好啲嘅！愛樂遊一日遊帶你輕鬆遊覽晨靜樹木園、採草莓體驗、聖托里尼咖啡館！慳番好多時間！Link: http://bit.ly/1Srm3aP 抵去評分: 4.5/5 門票： 成人 8000韓元（55港元 ）假日 9000韓元（60港元 ） 咁多嘢睇，又有唔同主題，我覺得超值呀！ 影相靚位評分: 4.5/5 晨靜樹木園處處翠綠，景色怡人，有大量花卉的園林，還靠近以休養及風景秀麗見稱的祝靈山一帶，對於影相發燒友絕對係十分吸引嘅地方。而女士們更可以同色彩繽紛的花奔合照，又可以轉下Profile picture 啦！ 另外純白小教堂Moonlight Garden更加係必打卡之地啦！ 美食評分: 4/5 門外有幾間攤販有炸熱狗食，幾特別的小食！ 另外也有韓式餐廳，傳統茶館和野菜香氣，主打健康食物，與晨靜樹木園十分相配！ 好玩評分: 3/5 夜晚會有五色星光庭園展，帶你到另一個世界，原來夜晚都可以咁靚架！係郊區，當然唔會有好刺激嘅娛樂設施啦，不過睇下唔同主題嘅庭園，散下步，都好足夠啦！ 5. 汝矣島公園 介紹完一輪郊區地方，返到市區就必定要講汝怡島公園！是韓國版的中央公園！韓國其中的兩大電視台KBS和MBC就坐落在周圍，韓劇裡的人超愛來這裡騎腳踏車跟跑步！《RUNNING MAN》《城市獵人》也都有在這取景。 交通方便評分: 4.5/5 地鐵9號線「國會議事堂站」1號出口，步行前往(約需5分鐘)/ 地鐵5號線「汝矣渡口站」1號出口，步行前往(約需15分鐘)/ 地鐵5號線、9號線「汝矣島站」2號出口，步行前往(約需20分鐘) 抵去評分: 5/5 免費！！！！！！！！免費都唔去？ 影相靚位評分: 3.5/5 始終都係市區，唔會話影到郊區咁靚，但會多咗時尚感！汝矣島輪中路係首爾最具代表性的櫻花隧道──4月初中旬時，位於國會事議堂後方的1,400株櫻花一齊綻放，長達1.7km的林蔭道路美不勝收！ 美食評分: 4.5/5 好多嘢食! 其中最出名就係熙珍食堂部隊鍋！附近又有美食街，又有高級商場，想食啲咩任君選擇！ 好玩評分: 3.5/5 踏著單車漫遊漢江！小朋友又可以玩下水！Family Day 就最啱喇！ 愛樂遊 http://www.travelairy.com/ Facebook: https://www.facebook.com/travelairy/ 電郵: info@travelairy.com 電話: +852 34686488 更多韓國一日遊：http://bit.ly/21bvTYC
